د افغانستان لپاره د چین ځانګړي استازي یو شیائویونګ تایید کړې چې د طالبانو حکومت او پاکستان د سولې لپاره همکارۍ ته چمتو دي. هغه دا څرګندونې په کابل کې د لیدنو وروسته کړي دي.
د چینایي ډیپلومات په وینا په ارومچي ښار کې وروستۍ خبرې اترې په یوه مثبته فضا کې ترسره شوې دي. په دې غونډو کې دواړو لوریو د سیمه ایز امنیت او د پولو د تاوتریخوالي په کمولو ټینګار کړی دی.
د طالبانو د حکومت د بهرنیو چارو وزارت هم ویلي چې دا خبرې په رغنده توګه مخته تللي دي. د دې مذاکراتو اصلي هدف د امنیتي ستونزو حل کول او د ګډ پرمختګ لپاره هڅې دي.
🌐 #افغانستان #چین #سوله
