د هرات ولایت یو شمېر اوسیدونکي وايي چې د وروستیو لاریونونو وروسته د دې ښار وضعیت لا هم کړکیچن دی. د طالبانو د حکومت ځواکونو په بېلابېلو سیمو کې خپلې ګزمې زیاتې کړې دي او د هغوی د موټرو کاروانونه په پراخه کچه په ښار کې لیدل کیږي.
ځايي خلک وايي چې طالبان په ځینو لویو څلورلارو کې د ښاریانو ګرځنده تلیفونونه هم پلټي ترڅو د کسانو د نیولو لپاره پلمې پیدا کړي. دې سختو امنیتي تدابیرو د دې لامل شوی چې خلک یوازې د اړتیا په صورت کې له خپلو کورونو ووځي.
د دې فشارونو سره سره راپورونه ښيي چې د نویو لاریونونو د ترسره کولو لپاره ځینې بحثونه شتون لري. د خلکو په منځ کې ویره زیاته شوې ده خو هغوی لا هم د اوسني وضعیت د حل غوښتنه کوي.
#هرات #افغانستان #سیمه\_ییز\_خبرونه
🌐
