په میدان وردګو ولایت کې چارواکو د سیدآباد په ولسوالۍ کې د یوې خونړۍ ترافیکي پیښې خبر ورکړی دی. د دې زړه بوږنوونکې پیښې په پایله کې د یوه کوچني ماشوم په ګډون څلورو کسانو خپل ژوند له لاسه ورکړی دی.
په دغه ولایت کې د طالبانو حکومت د پولیسو ویاند ویلي چې په دې پیښه کې څلور نور کسان سخت ټپيان شوي دي. دا پیښه هغه مهال رامنځته شوه کله چې یو موټر له سړک څخه واوښت او چپه شو.
د پیښې ټپیان د درملنې لپاره نږدې روغتون ته لیږدول شوي دي. دا په داسې حال کې ده چې په دې وروستیو کې د افغانستان په بیلابیلو برخو کې د ترافیکي پیښو شمیر په بې ساري ډول زیات شوی دی.
🌐 #افغانستان #میدان\_وردګ #ترافیکی\_پیښه #موټر
