د مرکزي اسیا هیوادونو چارواکي او د اروپایي ټولنې ځانګړي استازي د قزاقستان په الماتې ښار کې یوې مهمې ناستې ته راټول شول. په دې غونډه کې ګډونوالو د افغانستان پر روان وضعیت او د سیمې پر امنیت د هغې پر اغیزو خبرې اترې وکړې.
د دې خبرو اترو یو له اصلي محورونو څخه د افغانستان له لارې د ترانزیتي لارو پراختیا وه، ترڅو د مرکزي اسیا او اروپا ترمنځ سوداګریزې اړیکې پیاوړې شي. همدارنګه په دغه هیواد کې د بشري مرستو په همغږۍ کې د ملګرو ملتونو پر رول ټینګار وشو.
د حاضر شویو هیوادونو استازو د نړیوالو خبرو اترو په پرمخ بیولو کې د قزاقستان له کلیدي رول څخه مننه وکړه. دوی د افغانستان د ثبات او اقتصادي پراختیا د ملاتړ لپاره پر ګډو همکاریو ټینګار وکړ.
🌐 #نړۍ #اروپا #مرکزی\_اسیا #افغانستان
