په هرات ولایت کې د حجاب نه مراعاتولو له امله د لسګونو ښځو له نیول کېدو وروسته د طالبانو د حکومت یوه چارواکي دا موضوع له ملي حاکمیت سره وتړله. هغه په خپل نوي پیغام کې ویلي چې افغانستان حق لري د خپلو دیني ارزښتونو سره سم یو ځانګړی نظام ولري.
ملګرو ملتونو تایید کړې چې د طالبانو حکومت په هرات ښار کې لږترلږه دېرش ښځې نیولي دي. دې کار پراخ ولسي لاریونونه راوپارول چې د امنیتي ځواکونو له خوا پرې ډزې وشوې او په پایله کې یو تن خپل ژوند له لاسه ورکړ.
د ښځو نیولو او د لاریون کوونکو ځپلو په نړیواله کچه هم سخت غبرګونونه راپارولي دي. د نړۍ په بېلابېلو هېوادونو کې د ښځو د حقونو فعالانو لاریونونه کړي او له نړیوالې ټولنې یې غوښتي چې دا کړنې د جنسیتي تبعیض په توګه په رسمیت وپېژني.
#افغانستان #ښځې #بشري\_حقونه
🌐
