کابل ده گی محلی منبع لرنینگ ایتیشیچه، طالبان سه شنبه کونی قولگه آلگن امید سبز شهرچه سی نینگ اوچ نماینده سی نی ضمانت و تعهد آلیش بیلن قۉییب یوبارگن.
بیر منبع نینگ ایتیشیچه، طالبان اوشبو کیشی لردن اویلرینی بۉشه تیش تعهدینی آلگنیدن سۉنگ اولرنی آزاد قیلگن. بو منبع، طالبان نینگ اولرگه اویلرینی بۉشه تیشدن باش تارتگن صورتده، عایله اعضالری هم قولگه آلینیشی حقیده آگاهلنتیرگنینی قۉشیمچه قیلدی.
بعضی منبع لر قولگه آلینگن نماینده لر سانی نی بیش کیشی دیب اعلان قیلگن اېدی. ایتیلیشیچه، بو کیشیلر قولگه آلینگن پیتده قتّیق تهدید و توهین قیلینگن و طالبان نینگ بیر مأموری اولرگه: «سیزلرنی اۉلدیره میز، کیم سیزدن سوره
یدی؟» دېگن.
بو نماینده لر، طالبان عدلیه وزیرلیگی نینگ اویلری اوچون کرایه تعیین قیلیش قراریگه اعتراض قیلگنیدن سۉنگ قولگه آلینگن اېدیلر. شهرچه اهالیسی نینگ ایتیشیچه، طالبان هر بیر اتاق اوچون تۉرت مینگ افغانی کرایه تعیین قیلگن.
بوندن آلدین، غصب قیلینگن ییرلرنی قیتیب آلیش اوچون طالبان نینگ اختصاصی محکمه سی، امید سبز شهرچه سی نینگ بیر مینگ بیش یوز جریبدن آرتیق ییرینی «امارتی» (دولتی) دیب اعلان قیلگن و عدلیه وزیرلیگی اهالی گه ۱۵ اسدگچه اویلرینی بۉشه تیش اوچون مهلت بېرگن اېدی.
اعتراضچی اهالی بو قرارنی ناعادلانه دیب بیلیب، اونینگ حقوقی اساسی مشخص قیلینیشینی طلب قیلماقده لر.
منبع: افغانستان اینترنشنل
🌐
