افغانستان ملی جنبش حزبی نینگ رهبری مارشال عبدالرشید دوستم، امریکا نینگ افغانستانگه هجومی نینگ ییگیرمه بېشینچی ییل لیگی مناسبتی بیلن یازگن بیر یادداشتده، قنده ی قیلیب امریکا قوشمه ایالتلری بیرینچی مرته طالبان حکومتینی آغدریش اوچون اونی بیلن تماس قورگنینی شرحله‌دی. اوشبو یادداشت چهارشنبه کونی، ۱۵ میزان ده، افغانستان اینترنشنل گه یوباریلگن.
۱۳۸۰ نچی ییل ۱۵ میزان ده (۲۰۰۱ نچی ییل ۷ اکتوبر)، اوشه پیت نینگ امریکا جمهور رئیسی جورج دبلیو بوش، رسمًا افغانستانده القاعده و طالبان موضع لریگه هجوم قیلیش فرمانینی چیقاردی. او زمانده متحد جبهه نینگ اصلی قوماندانلریدن بیری بولگن مارشال دوستم، امریکالی خاص کوچلر بیلن بیرگه طالبانگه قرشی اوروشدی. طالبان حکومتی نهایتده امریکا رهبرلیگیده گی ائتلاف نینگ هوایی هجوملری و مخالف کوچلر نینگ یېر عملیاتلری بیلن آغدریلدی.
جناب دوستم اۉز یادداشتیده ایتگنکه، امریکا قوشمه ایالتلری بیلن بیرینچی علاقه اۉزبیکستان جمهوریتی آرقه لی برقرار بولگن. اونینگ ایتیشیچه، داوود تایسون اسملی اۉزبېک تیلیگه تولیق تسلطی بولگن بیر امریکالی وطنداش، اونی بیلن تماس آلیب و طالبانگه قرشی اوروشنی باشلش اوچون اونینگ کنترولیده گی منطقه گه سفر قیلیشنی تکلیف قیلگن.
مارشال دوستم یازه دی: «اونگه ایتدیم که کیلینگلر. بیزده مینگلب آتلیق جنگچیلریمیز بار. شو یېردن کوره ش گه دوام بېره میز و افغانستاننی آزاد قیله میز.» او ایسله یدی که امریکالی خاص کوچلر نینگ بیرینچی ۹ کیشی لیک تیمی، شخصی کییمده و آغیر مخابراتی تجهیزات صندق لری بیلن، اونینگ و محمد محقق قرارگاهیگه کیلگن.
دوستم نینگ ایتیشیچه، او امریکالی لرگه بیر نیچه شمالی ولایتده اۉز کوچلری نینگ جغرافیایی خریطه سی و موقعیتینی توضيح بېرگن. او قۉشیمچه قیلیشیچه، تاشکند بو عملیات نینگ موفقیتیده حیاتی رول اۉینه‌گن و قشقه دریاده امریکالی کوچلر فایده لنیشی اوچون بیر حربی پایگاه تیارلب بېرگن.
مارشال دوستم شونینگدیک مزارشریفنی تصرف قیلیش نینگ استراتیژیک رولیگه اشاره قیلیب و امریکالی لرگه ایشانچ بېرگنینی ایتدی که بو شهرنی فتح قیلیش بیلن باشقه ییتّی ولایت تیزلیکده آزاد بوله‌دی. او ایتگنکه، مزارشریف تصرف ایتیلگنیدن سۉنگ، بادغیسدن پلخمری گچه بیر کونده سقوط قیلدی و ملا فاضل و باشقه کتّه قوماندانلرنی اۉز ایچیگه آلگن مینگلب طالبان جنگچیلری اسیرگه آلیندی. اسیرلر آره سیده امریکالی وطنداش جان واکر لیند و القاعده قوماندانلریدن بیری نینگ معاونی هم بار اېدی.
منبع: افغانستان اینترنشنل
🌐
