تورکیه مهاجرت اداره سی اۉز سۉنگگی گزارشی ده معلوم قیلدی که، افغانستان تبعه لری ۲۰۲۶ نچی ییلده اوشبو مملکتده قولگه آلینگن غیر قانونی مهاجرلرنینگ اېنگ کۉپ ساندینی تشکیل بېرماقده. اوشبو رسمی آمارگه اساساً، جنوری آیی نینگ بیرینچی کونیدن اکتوبر آیی نینگ بیرینچی کونیده قدر، ۲۹ مینگ و ۷۱۲ نفر افغان مهاجر قانونلی یشش حجتلری بۉلمگنی اوچون قولگه آلینگن.
بو رقملر، ۲۰۲۱ نچی ییلده افغانستانده طالبان حکومتی نینگ تکرار حاکمیت گه اېریشگنیدن سۉنگ شدت لنگن افغان مهاجرت بحرانی نینگ بیر تشویشلی تصویری نی نمایشگه قۉیه دی. گزارش تأکیدله یشیچه، افغانلر قولگه آلینگنلر رویخطیده باشقه ملت لردن کۉره انچه آلدینده قرار تاپگن.
تحلیلچیلر نینگ ایتیشیچه، بو یوکسک آمار ایکی آچیق حقیقتنی کۉرسه ته دی: بیرینچی، افغانستانده گی ناگوار اقتصادی و خوفسیزلیک وضعیتی که اهالی نی اۉز اوی لرینی ترک اېتیشگه مجبور قیله دی و ایکّینچی، تورکیه دولتی نینگ غیر قانونی مهاجرتگه قرشی کۉپَی یاتگن سختگیرانه سیاستلری.
سۉنگگی ییللرده، تورکیه اروپاگه یۉل آلگن افغان مهاجرلر اوچون بیر اساسی ترانزیت یۉلی و شونینگدېک بیر نهایی مقصد صفتیده، کته باسیم بیلن دوچ کیلگن. جواباً، اوشبو مملکت حکومتی مملکت بۉیلب مدرکسیز مهاجرلرنینگ کیریشینی آلдини آلیش و اولرنی انیقلش اوچون خوفسیزلیک عملیاتلرینی کۉپه یتیرگن.
انسان حقوقلری تشکیلاتلری دواملی روشده اوشبو مهاجرلرنینگ قولگه آلینیش شرایطی و اخراج جریانی نی تنقید قیلیب کیلگنلر. اولر، افغانلرنی هنوز هم چوقور بی ثباتلیککه دوچ کېلیاتگن بیر مملکتگه مجبوراً قَیته ریش، خلق ارا پناهنده لیک قانونلرینی پامال قیلیشی و بو کیشیلرنینگ حیاتی نی خطرگه قۉییشی نی ادعا قیله دیلر.
تورکیه تامانیدن بو رسمی آمار نینگ نشر اېتیلیشی، منطقه وی و خلق ارا سویه ده مهاجرت بحرانینی باشقریش بۉییچه بحثلر دوام اېتیب تورگن بیر پیتده یوز بېرماقده. بو گزارش خلق ارا جمعیتگه افغانستاندن مهاجرت نینگ تیشه سبب لرینی حل اېتیش اوچون باسیم نی آشیریشی ممکن.
منبع: تورکیه مهاجرت اداره سی
🌐
