کوتیلیشیچه، اپل شرکتی ۲۰۲۶ نچی ییل نینگ اکتوبر آییده ایکّی ته آیريم مراسمده اۉزی نینگ ینگی سخت افزار محصوللری، جمله دن بیر هوشمند اوی هابی، لمسی اېکرانلی مک بوک پرو و قیته طراحی ایتیلگن آیپد مینی نی تانیتشتیره‌دی.
«اویگه خوش کېلیبسیز» شعاری بیلن تبلیغ قیلینگن بیرینچی مراسم، ۱۳ اکتوبر تاریخیده ریجه لشتیریلگن. بلومبرگ خبر آژانسی نینگ خبرچیسی مارک گرمن نینگ ایتیشیچه، بو مراسم اپل نینگ هوشمند اوی ایکوسیستمی گه دقت قره ته‌دی. بو مراسمده بیر ینگی هوشمند اوی هابی، هوم پاد مینی نینگ ینگیلنگن نسخه‌سی و سیری اوچون کۉپراق ایلغار مصنوعی ذکاوت قابلیتلی بیر ینگی اپل تی وی نینگ تانیتشتریلیشی کوتیلماقده.
گزارشلرده کیلیشیچه، ایکّینچی مراسم تخمیناً ۲۷ اکتوبرده اۉتکزیلیب، مک و آیپد محصوللریگه تمرکز قیله‌دی. بو مراسم نینگ اینگ کتّه خبری، تاریخده بیرینچی مرته لمسی OLED اېکرانلی مک بوک پرو نینگ معرفی ایتیلیشی بۉله‌دی. بو، اپل نینگ استراتیژی سیده بیر کتّه اۉزگریش حسابلنه‌دی، چونکه بو شرکت ییللر دوامیده اۉز لپ تاپلریگه لمسی اېکران قۉشیشدن باش تارتیب کیلگن اېدی.
-بوندن تشقری، OLED اېکرانلی بیر قیته طراحی ایتیلگن آیپد مینی نینگ هم تانیتشتریلیشی کوتیلماقده. بو ینگیلنیش اپل نینگ اینگ کیچیک تبلتی گه ینگی حیات بغیشلشی ممکن. هر ایکّی ینگی دستگاه، یعنی مک بوک پرو و آیپد مینی، احتمالاً اپل نینگ کېلگوسی نسل چیپی، یعنی M6، بیلن تجهیزلنه‌دی کی، بو ایسه عملکرد و انرژی ثمره دارلیگینی سیزیرلی درجه ده یخشیله‌یدی.
ینگی باش ایجراچی مدیر، جان ترنوس، رهبرلیگیده اۉتکزیله‌دیگن بو تانیتشتیروولر، اپل نینگ محصول استراتیژی سیده مهم بیر بوریلیش نقطه‌سی بۉلیشی ممکن. هوشمند اوی گه دقت قره تیش و شونینگدیک مک بوک گه لمسی اېکران کبی ینگی و طلب قیلینگن خصوصیتلرنی قۉشیش، اپل نینگ رقابتچی بازارلرده نوآورلیک قیلیش و اۉز جایینی سقلب قپیش اوچون سعی و حرکتی نی کۉرسته‌دی.
بو ینگی محصوللر اپل ایکوسیستمی نی یېنه ده کپراق بیرلشتیریب و فایده لنووچیلر اوچون ینگی تجربه لرنی فراهم قیلیشی ممکن.
منبع: بلومبرگ گزارشلری
🌐
