فورت هود حربی پایگاهی ده گی کتته آتیشمه عاملی، نضال حسن نینگ اعدامینی جانلی روشده یایینلش تکلیفی، امریکا قوشمه ایالتلریده جدی فکر فرقلریگه سبب بولدی. بو تکلیف، مدافعه وزیری پیت هگست تامانیدن اورته گه قوییلگن، لیکن حتی جمهوریچیلر آره سیده هم قرشیلیک لر بیلن روپه رو بولگن.
پیت هگست نینگ آتیش جوخه سی تامانیدن علنی اعدام و اونینگ یایینلنیشینی حمایه قیلیاتگن بیر پیتده، جمهور رئیس دونالد ترامپ، بو خصوصده هلی بیر قرار آلمگنی نی بیلدیرگن. ترامپ حکومتی نینگ، اخصاً ۳ نوامبر آره لیک سیلاو لری نینگ یقینلشیشی بیلن، بو اقدام نینگ سیاسی عاقبتلریدن تشویشده ایکنی کۉرینه دی.
شونینگدېک، بیر خوفسیزلیک متخصصی بو ایش نینگ خطرناک عاقبتلری خصوصیده آگاهلنتیرگن. امریکا مرکزی استخبارات تشکیلاتی (سیا) نینگ سابق بیر مسؤلی، ند پرایس، ایکس اجتماعی ترماغیده، بو اعدام نینگ یایینلنیشی «کۉپراق رادیکال بولگن متعصب لر» نینگ یره لیشیگه سبب بولیشی ممکن لیگینی یازگن.
پرایس نینگ ایتیشیچه، بونده ی بیر اقدام، افراطی گروه لر اوچون بیر تبلیغاتی قورال صفتیده عمل قیلیشی و کېله جکده اۉخشش هجوم لرگه الهام بخشی بولیشی ممکن. او، بو ایش نینگ آلدینی آلیش اورنیده، افراط گرالیک خطرینی آشیریشیگه ایشانه دی.
ادوارد «ند» پرایس ۲۰۰۶ دن ۲۰۱۷ ییلگچه سیاده ایشله گن و فعالیتلری امریکا قوشمه ایالتلریگه قرشی احتمالی تروریستی هجوم لرنی کشف و خنثی قیلیشگه قره تیلگن اېدی. او، ترامپ حکومتی ایش باشلگندن سۉنگ، خبرساز بیر حرکت بیلن اۉز وظیفه سیدن استعفا بېریب و بیر مقاله ده او حکومت اوچون ایشلشگه مخالف لیگی نینگ دلیل لرینی شرحله گن اېدی.
نضال حسن، امریکا قوش لری نینگ بیر روانپزشکی، ۲۰۰۹ ییلده تگزاس ایالتی نینگ فورت هود پایگاهیده ۱۳ کیشی نی اۉلدیریب و ۳۰ دن آرتیق کیشی نی یره له گن اېدی. اونینگ بو هجومدن مقصدی، افراطی ایدیالوژی اعلان ایتیلدی. حاضرگی بحث، اونینگ علنی اعدامی نینگ بیر آلدینی آلووچی اقدام بولیشی یاکه افراط گرالر اوچون بیر تبلیغاتی قورال گه ایلنیشی اوستیده دیر.
منبع: X, Ned Price
🌐
