سعودی عربستان نینگ ملکی هواچیلیک تشکیلاتی یمن حوثیلری تامانیدن ریاض شهریده گی ملک خالد خلق ارا هوا قۉنلغه سیگه اویوشتیریلگن ینги بیر هجومده، بیر پاکستانلیک نینگ هلاک بۉلگنی و باشقه ۱۱ کیشی نینگ یره لنگنینی اعلان قیلدی. اوشبو تشکیلات دوشنبه کونی ایرته لب، ۱۲ اکتوبرده، اۉزی نینگ ایکس صحیفه سیده بیر بیانیه ترقه تیب، اوشبو واقعه نی تصدیقله دی.
بیانیه ده ایتیلیشیچه، بو هجوم شونینگدیک هوا قۉنلغه سی حدودیده مادی زیانلرگه هم سبب بۉلگن که علاقه دار تیم لر اونینگ میزانی نی بهالنماقده. سعودی رسمیلری آلدینراق بیر راکت نینگ ایکّی یۉلاوچی ترمینالیگه توشیشی آتش توتیلیشیگه سبب بۉلگنینی، بیراق تېزلیک بیلن اۉچیریلگنینی گزارش بېرگن اېدی.
اوشبو هجوم عین هوا قۉنلغه سیگه اویوشتیریلگن باشقه بیر اۉلیملی هجومدن فقط ایکّی کون کیین یوز بېرماقده. سعودی رسمیلری نینگ ایتیشیچه، شنبه کونی یوز بیرگن هجومده کەمیده ۱۲ کیشی هلاک بۉلگن و ۳۰۰ دن آرتیق کیشی یره لنگن اېدی که بعضی یره دارلرنینگ وضعیتی آغیر ایکنی بیلدیریلگن. حوثیلر هر ایکّی هجوم نینگ مسئولیتی نی اۉز بوینیگه آلگن.
سعودی عربستانده گی ملکی و زیربنایی هدف لرگه حوثیلر نینگ هجوملری سونگگی ییللرده بیر نیچه مرته تکرارلنگن. ایران حمایه سیده گی بو گروه، ۲۰۱۵ نچی ییلدن بیری یمن نینگ قانونی حکومتی نی حمایه قیله یاتگن سعودی عربستان رهبرلیگیده گی بیر ائتلاف بیلن اوروش آلیب بارماقده.
سعودی عربستان رهبرلیگیده گی ائتلاف بو هجوملرنی قتّیق قاره لب، اولرنی اوروش جنایتی دیب اته گن. خلق ارا همجمعیت هم حوثیلردن ملکی هدف لرگه هجوملرنی تۉخته تیشنی و یمن اوروشینی یکونلش اوچون سیاسی بیر ییچیم گه کۉنیشنی بیر نیچه مرته سۉره گن.
سونگگی پیتلرده هجوملرنینگ کوپه ییشی، منطقه ده کېسکینلیک نینگ آشیب کیتیشی و تینچلیک سعی و حرکتلری نینگ خطر آستیگه توشیشی حقیده گی خواطرلرنی آرتیرگن. ملک خالد خلق ارا هوا قۉنلغه سی منطقه ده گی اینگ بیر گَوده هوا قۉنلغه لریدن بیری سنله دی و اونی هدفگه آلیش خلق ارا هوا سفرلری اوچون جدی عاقبتلرگه سبب بۉلیشی ممکن.
منبع: سعودی عربستان ملکی هواچیلیک تشکیلاتی
🌐
