تویوتا و هوندا موترسازلیک شرکتی جومه کونی ۲۹ عقربده تاکاتا هوا کلتکه‌لری (ایربگ) پارتلش خطری باعث قراریب بیر میلیون و ۶۰۰ مینگ موترنی قیته چقیرگنلرینی معلوم قیلدی.

اوشبو شرکتلر نینگ رسمی معلوماتیگه کۉره، مذکور احتیاطی برنامه امریکا قۉشمه ایالتلری بۉیلب ۸۱۰ مینگدن آرتیق هوندا موتری و دنیا بۉیلب ۷۹۰ مینگ تویوتا موتری شامل بۉلگن.

هر ایککی شرکت مسووللریگه کۉره، حاضرگه قدر اوشبو عیب سبب بیرار بیر ترافیکی حادثه، پرزه‌نینگ پارتلشی یا-ده کیشیلر نینگ یره‌لنیشی ثبت ایتیلمه‌گن.

امریکا شاهراه‌لری خوفسیزلیگی ملی اداره‌سی مستقل لابراتوارلر تیکشیرولری شرکتبانلرگه خطرلر یوز بېریشیدن آلدین تدبیر کۉریش امکانیتینی یره‌تگنینی ایتگن.

اوشبو اداره هوندا و تویوتا پرزه‌لر نینگ اسکیریش بیلگیلرینی آلدینراق انیقلب، احتیاطی چقیروو باشنلگنینی و باشقه موترسازلر هم تیکشیروونی دوام بیریاتگنینی معلوم قیلدی.

هوندا نینگ بو چقیروو برنامه‌سی امریکا نینگ قاره قیشلاقی و هوای ایسیق، نمناک یا تیز اۉزگرووچی ۱۴ ایالتیده ساتیلگن موترلرگه تېگیشلی دیر.

تویوتا شرکتی هم المشتیروچی ینگی پرزه‌لر ۲۰۲۷ ییل نینگ اوللریگچه تیار بۉلیشینی اېعلا قیلدی.

منبع: امریکا شاهراه‌لری خوفسیزلیگی ملی اداره‌سی

🌐

Author