قطر باش وزیری و تشقی ایشلر وزیری محمد بن عبدالرحمن آل ثانی، سعودی عربستان تشقی ایشلر وزیری فیصل بن فرحان بیلن تیلیفون آرقه لی صحبتیده، اوز مملکتی نینگ ریاض بیلن تولیق هم فکرده ایکنینی تاکیدله دی. اوشبو صحبتده منطقه نینگ سونگگی اوزگریشلری و بحران نی کمه یتیریش اوچون دیپلوماتیک سعی و حرکتلر حقیده بحث ایتیلدی و ایکه له تامان هم منطقه ده برقرارلیکنی کوچه‌یتیریش یوللری اوستیده توختلدیلر.
خبر آژانسلیکلری معلوماتیگه کوره، قطر باش وزیری سعودی عربستان نینگ اوز حاکمیتی، خوفسیزلیگی و ملی منفعتلرینی قوریقلش یولیده گی مشروع اقداملرینی حمایت قیلیشینی بیلدیرگن. بو بیانات خاورمیانه منطقه سی کوپلب خوفسیزلیک چالشلریگه روپه رو بولگن بیر پیتده بیریلماقده و خلیج همکارلیک کینگاشیگه اعضا مملکتلر اورته سیده گی همکارلیک بو تهدیدلرگه قرشی کوره شیشده کتته اهمیت کسب ایته دی.
آل ثانی شونینگدیک قطر، منطقه ده گی بحرانلرنی کمه یتیریش و دایمی تینچلیککه ایریشیش مقصدیده عملگه آشیریله دیگن برچه دیپلوماتیک سعی و حرکتلرنی قوللب قوتله شینی تاکیدله دی. بو موقف دوحه نینگ منطقه ده گی بحرانلرنی حل قیلیش اوچون فعال و ایجابی رول اوینه شکه قیزیقیشی بارلیگینی کورسه ته دی.
اوشبو تیلیفون صحبتی قطر بیلن اونینگ بعضی عرب قوشنیلری، جمله دن سعودی عربستان اورته سیده گی کوپ ییلیک بحران دن کیین یولگه قوییلدی. منطقه نینگ ایککی مهم کچی حسابلنگن بو مملکتلر اورته سیده گی مناسبتلرنینگ یخشی لنگنی، بوتون خاورمیانه نینگ خوفسیزلیگی و برقرارلیگیگه مثبت تاثیر قیلیشی ممکن.
تحلیلچیلرنینگ ایشانچیگه کوره، ریاض و دوحه اورته سیده گی بو سویه ده گی همکارلیک، مشترک تهدیدلرگه قرشی بیرلشگن بیر جبهه یره تیشگه یاردم بیریشی و کینگ اقتصادی و سیاسی همکارلیکلر اوچون یول آچیب بیریشی ممکن.
حاضرده، منطقه مملکتلری صحبت و دیپلوماسی آرقلی جاری بحرانلر اوچون ییچیم تاپیشگه حرکت قیلماقده لر و قطار و سعودی رسمیلری نینگ سونگگی بیاناتلری هم شو دایره ده بهالنماقده.
منبع: رسانه لر
🌐
