انسان حقوقلری نینگ نظارت تشکیلاتی نینگ افغانستان بولیمی تیکشیروچیسی فرشته عباسی، فرانسه نینگ افغان پناه گزینلرنی چیقاریب یوباریش اوچون طالبان حکومتی بیلن همکارلیگی، بو مملکت سیاستیده بیر خطرناک اوزگریش و فرانسه نینگ انسان حقوقلری بوییچه تعهدلریگه قرشی دیر دیب ایتگن.
خانم عباسی سه شنبه کونی، ۲۱ میزان ده، انسان حقوقلری نینگ نظارت تشکیلاتی وبسایتیده ترقه تیلگن بیر مقاله ده، فرانسه نینگ بو سیاستی، اوشبو مملکتده یشه یاتگن افغانلرنی تعقیب، شکنجه و باشقه انسان حقوقلری نینگ جدی پامال ایتیلیشی خطریگه دوچار قیلیشینی تاکیدله گن.
اونینگ ایتیشیچه، فرانسه، طالبان رسميلری بیلن پناه گزینلرنی افغانستانگه مجبوراً قییتریش خصوصیده "تخنیکی صحبت" باشله گنینی تایید ایتگن. بو اقدام انسان حقوقلری فعاللری و اروپا ده گی افغان جماعه سی آره سیده جدی تشویشلرنی توغدیرگن.
انسان حقوقلری نظارت تشکیلاتی نینگ بو تیکشیروچیسی چوقور تشویش بیلن یازگن: «فرانسه رسميلری بو صحبتلر دایره سی چیگره لنگن دیگنلر، لیکن خاص خطر آستیده بولگن کیشیلر، جمله دن خانملرنی قوریقلش اوچون هیچ قندهی تضمین بیرمه گنلر.»
فرشته عباسی، فرانسه نینگ طالبان بیلن همکارلیگی، بو گروه نینگ افغانستانده انسان حقوقلری نینگ جدی و سیستماتیک پامال ایتیلیشی، اینیقسه خانملر و قیزلرنی باستریش مسئول بولگن بیر پیتده یوز بیره یاتگینی نی آچیقله گن. شو سببلی، کیشیلرنی بوندهی شرایطگه قییتریش اولیملی عاقبتلرگه ایگه بولیشی ممکن.
بو خبرگه کوره، فرانسه دن تشقری، بعضی باشقه اروپایی مملکتلر، جمله دن آلمان هم، افغان پناه گزینلرنی مجبوراً قییتریش اوچون طالبان حکومتی بیلن همکارلیکلرنی باشله گنلر. بو جریان اروپا نینگ افغانلرگه قره ته مهاجرت سیاستلریده بیر تشویشلی اوزگریشنی کورسه ته دی.
بو سیاستلر، انسان حقوقلری تشکیلاتلری و بیرلشگن ملتلر تشکیلاتی نینگ طالبان حاکمیتی آستیده گی افغانستانگه پناه گزینلرنی مجبوراً چیقاریب یوباریشنی توخته تیشنی طلب قیلگن کوپلب چقیریقلری بیلن قرشی دیر.
منبع: انسان حقوقلری نینگ نظارت تشکیلاتی
🌐
