اوکراین جمهور رئیسی ولادیمیر زلنسکی، مملکتی نینگ امریکا قۉشمه ایالتلری تامانیدن مهم حمایه نی یۉقاته یاتگنینی حس قیلیشینی ایتگن.
فرانسه خبر آژانسی چهارشنبه کونی کیچه، ۱۴ اکتوبرده، جناب زلنسکی نینگ بو سۉزلرنی بریتانیاگه سفری پیتیده بیان قیلگنینی گزارش قیلدی. او مملکتی ده گی اوروش باره سیده واشنگتن سیاستلری نینگ اۉزگریشیدن خواطرده ایکنینی بیلدیردی.
گزارشگه کۉره، زلنسکی امریکا جمهور رئیسی دونالد ترمپ تامانیدن روسیه بیلن ایلگری سوریلگن «انرژی آتش
بسی» و دیزل یاقیلغیسی کېلیشوویگه اشاره قیلیب، «خیانت» حسینی تویه یاتگنینی ایتگن. شونگه قره می، او اوکراین نینگ هلی هم امریکا قۉشمه ایالتلری بیلن استراتیژیک همکارلیگیگه ایشانیشینی تاکیدله دی.
اوکراین جمهور رئیسی جناب ترمپ نینگ سۉنگگی سیاستلرینی تنقید قیلیب ایتدی: «اۉیله یمنکی، اونینگ مشاورلری خطا قیله پتی. کیم اونی ناتۉغری یۉلگه باشله یاتگینی نی بیلمه یمن… بو تاریخ نینگ تۉغری تامانی اېمس.»
بو بیاناتلر دونالد ترمپ نینگ سۉنگگی پیتلرده اوکرایندن روسیه نینگ نفت تأسیساتلریگه هجوملرینی تۉخته تیشنی سۉره گن بیر پیتده بیان قیلینماقده. بو حرکت اوروشگه قره ته امریکا نینگ روشیده بیر اۉزگریش سفتیده کۉریلماقده.
۲۰۲۲ نچی ییلده روسیه نینگ اوکراینگه قرشی کینگ کولملی هجومی باشلنگندن بېری، امریکا قۉشمه ایالتلری کی
یف نینگ اینگ بویوک حربی و مالی حمایه چیسی بۉلیب کیلماقده. امریکا حمایه سیده هر قنده ی مهم بیر کمه ییش اوکراین نینگ مدافعه قابلیتیگه جدی تاثیر قیلیشی و اوروش یۉنلیشینی اۉزگرتیریشی ممکن.
منبع: Agence France-Presse
🌐
