خوست ولایتیده گی طالبان والیسی نینگ سۉزچیسی، اجتماعی ترماقلرده بیر عیال نینگ چېگره سیز داکترلر شفاخانه سی آلدیده توغگنی حقیده گی گزارشلرنی «حقیقتدن اوزاق» دېب اتدی و رد قیلدی.
مستغفر گربز، خوست والیسی نینگ سۉزچیسی، ولایت مقام و عامه ساغلیک ریاستیدن بیر مشترک هیأت بو موضوعنی دقیق تیکشیرگنینی بیلدیرди. اونینگ ایتیشیچه، بو عیال یوقاری قان باسیمی سببلی تیگیشلی ولسوالی کلینیکیدن بو شفاخانه گه یوباریلگن اېدی.
گربز قۉشیمچه قیلدی که، شفاخانه گه یېتیب بارگنده و موتردن توشه یاتگن پیتده، عیال نینگ وضعیتی یوقاری قان باسیمی سببلی یامانلشیب و یېرگه ییقیلگن. شوندن سۉنگ، محلده گی باشقه عیاللر ییغیلیب و اونی چادر بیلن اۉره گنلر و داکترلر فوری اونی شفاخانه ایچیگه آلیب کېتیب و تداوی آستیگه آلگنلر.
خوست والیسی سۉزچیسی شونینگدېک، بو عیالنینگ عایله اعضالریدن بیری نینگ ویدیویی توضیحی بارلیگینی، لیکن «اجتماعی حساسیتلر» سببلی نشر ایتیلمه‌گنینی ایتди.
باشقه تاماندن، اجتماعی ترماقلر فایده لنووچیلری فرقلی ادعالرنی مطرح ایتماقده. اولرنینگ ایتیشیچه، خوست شفاخانه سی کۉپینچه حاملدار عیاللرنی «هلی توغیش وقتی کېلمه گن» بهانه سی بیلن رد ایته‌دی و بو عیاللر یۉلده یاکه اویگه یېتیبدن آلدین توغیشگه مجبور بۉله‌دیلر.
بو فایده لنووچیلر رسمی روایتنی سۉراق آستیگه آلیب، سۉره ماقده لر: اگر بو عیال موتردن توشه یاتگنده بی‌هوش بۉلگن بۉلسه، اونگه یاردم بېره دیگن اېرکلک قره‌داشلری قه ییرده اېدی؟ نېگه فقط عیاللر اونینگ اطرافیده ییغیلدی؟ بو شفاخانه گه فقط عیاللر مراجعه قیله دی می؟ بو سۉراقلر رسمی روایگه نسبت ایشانچسیزلیکنی کۉرسته دی.
منبع: اجتماعی ترماقلر
🌐
