گزارش لرگه کۉره، پاکستان نینگ سابق باش وزیری نواز شریف نینگ موتری پنجشنبه کونی لندن شهریده هجوم گه اوچره ب، شیشه لری سیندریلگن. بو، جناب شریف نینگ موتری بیلن لندن ده یوز بیرگن اوچینچی مشابه واقعه دیر.
بو هجوم، شریف عایله‌سی لندن ده استقامت قیله‌دیگن ایونفیلد اپارتمان لری آلدیده ایککی نقابلی کیشی تامانیدن عملگه آشیریلگن. ایتیلیشیچه، بو کیشی لر بیر قتیق جیسم بیلن موتر گه هجوم قیلیب، سۉنگره واقعه جاییدن قاچیب کیتگنلر.
لندن پولیسی بو خصوصده تیکشیروو لرینی باشله‌گن و عامل لرنی انیقلش اوچون واقعه جاییده گی نظارت کمره لری نینگ ویدیوسینی قولگه کیریتگن. حاضرگچه هیچ قنده‌ی گروه بو هجوم نینگ مسئولیتی نی اۉز ذمه سیگه آلمه‌گن.
یوره ک، شکر و قان باسیمی کسللیک لریگه ایگه بۉلگن نواز شریف، ۲۰۱۹-ییلدن بېری تداوی اوچون لندن گه کیتگن و اوشبو وقتدن بېری اۉز عایله‌سی بیلن او ییرده یشه ماقده. او پاکستان ده فساد عیبلاوی بیلن قماققه محکوم ایتیلگن ایدی، لیکن معالجه اوچون مملکتدن تشقری گه چیقیشیگه رخصت بیریلدی.
لندن ده نواز شریف نینگ موتریگه تکراری هجوم لر، اونینگ و عایله سی نینگ خوفسیزلیگی حقیده خواطر لرنی یوزه‌گه کیلتیرگن. اونینگ طرفدارلری بو هجوم لرنی اونینگ سیاسی مخالف لریگه نسبت بیره‌دیلر، لیکن بو ادعالر هلی اثباتلنمه‌گن.
منبع: Zarin TV
🌐
