افغانستان آزادلیک جبهه سی (AFF) بیر اعلامیه ترقتیب، قندهار ولایتی نینگ سابق امنیه قوماندانی، ستر جنرال عبدالرازق اچکزی نینگ "شهادت"ی نینگ سکّیزینچی ییللیگینی خاتیرله دی. اوشبو جبهه جنرال رازق نی مملکت نینگ جنوب غرب حوزه سیده بیر نفوذلی و خلق محبوبیتی گه ایگه شخصیت دېب تعریفله گن.
یکشنبه کونی نشر ایتیلگن بو اعلامیه ده، آزادلیک جبهه سی اۉز تسلیتی و چوچقور همدردلیگینی اونینگ عایله سی، دوستلری و بوتون افغانستان خلقی گه تقدیم ایتگن. جنرال رازق ۲۰۱۸ نچی ییل ۱۸ اکتوبرده قندهار والی سی دفتر ایچیده گی بیر قوراللی هجومده اۉلدیریلگن اېدی.
اعلامیه ده قۉشیمچه قیلینیشیچه، جنرال رازق جمهوریت دوریده قندهار و اونینگ اطرافیده گی ولایتلرده طالبان گروهی گه قرشی کوره ش نینگ "مستحکم سنگر" لریدن بیری اېدی. آزادلیک جبهه سی اونینگ "ایفتخارلی مبارزه سی و پارلاق ایشلری" نی افغانستان خلقی نینگ "افراطیت، تروریزم و تیز فکرلیک" که قرشی برحق کوره شی تاریخی ده ثبت ایتیلگن دېب بیله دی.
بو طالبان گه قرشی جبهه شونینگدیک، حاضر طالبان نینگ "غاصبانه و اهریمنی حاکمیتی" دن بیش ییل اۉتگنیدن سۉنگ، جنرال رازق کبی جسور شخصیتلرنینگ رولی و جایگاهی "هر قچانگی دن کۉره کۉزگه کۉرینرلی و ارزشمند" بۉلگنینی ایتگن.
افغانستان آزادلیک جبهه سی اۉз اعلامیه سی نینگ سونگیده طالبان نینگ "ظلم، تبعیض و استبدادی" گه قرشی کوره ش دوامی گه تأکید قیلیب، جنرال رازق و "افغانستان عزتی و آزادلیگی یولیده گی بارچه شهیدلر" نینگ خاطره سینی عزیز توتیشینی بیان قیلگن. بو جبهه ۲۰۲۱ نچی ییل اگست آییدن سۉنگ طالبان حکومتی گه قرشی تشکیل ایتیلگن بیر نېچه قوراللی گروهلردن بیری دیر.
منبع: افغانستان آزادلیک جبهه سی نینگ اعلامیه سی
🌐
