آسترالیا مدافعه وزیرلیگی نینگ حجتلریگه کۉره، افغان قربانلریگه غرامت تۉلش لایحه‌سی نینگ قوریلیشیدن ایکّی ییل اۉتگنیدن سۉنگ، هنوز هیچ قنده‌ی طلبگارگه پول تۉلنمه‌گن. بو لایحه، آسترالیا نینگ مخصوص کوچلری نینگ افغانستانده گی اوروش جنایتلری حقیده گی تکانلی برېرتون گزارشی نشر ایتیلگنیدن سۉنگ قوریلگن اېدی.
«د سټرډې پېپر» روزنامه‌سی نینگ گزارشیگه کۉره، بو لایحه ۲۰۲۴ نچی ییل نوامبرده ایشگه توشگن و حاضرگچه ۱۰۵ درخواست قولگه کیریتگن. بو ساندن، ۴۵ درخواست رد ایتیلگن و هیچ قنده‌ی درخواست غرامت تۉلشیگه سبب بۉلمه‌گن.
۲۰۲۰ نچی ییلده نشر ایتیلگن برېرتون گزارشی، ۲۳ علیحده واقعه ده آسترالیا مخصوص کوچلری تامانیدن ۳۹ افغان ملکی و بندی نینگ غیرقانونی اۉلدیریلیشی حقیده ایشانچلی دلیللرنی تقدیم قیلگن اېدی. بو گزارش، جوابگرلیک و قربانلرنینگ عایله لریگه تاوان تۉلش اوچون باسملرگه سبب بۉلدی.
لېکن، درخواستلرنی تیکشیریش جریانی جوده یاواش و غیرشفاف دیب توصیفلنگن. گزارشگه کۉره، کَمیده آلتی درخواست ۲۰۲۵ نچی ییل آگست آیی دن بېری تیکشیریلووده، اما هنوز نتیجه گه اېریشمه‌گن.
۲۰۰۶ نچی ییلده ارزگانده آسترالیالی حربی لرنینگ هجومی پیتیده بیر کۉزینی یوقاتگن غلام جیلانی ناملی قربان، بو جریان نینگ معمالریدن بیر نمونه دیر. اونینگ غرامت درخواستی، واقعه سی برېرتون گزارشیده ثبت ایتیلمه گنی اوچون رد ایتیلگن، اگرچه آسترالیا حکومتی اونینگ روایتینی رد قیلمه‌گن.
قربانلرنینگ عایله لری نینگ وکیللری، بو اوزون و مبهم جریان، ییللردن بېری عدالت کوتیب تورگن عایله لر اوچون کۉپراق ناامیدلیک و عذابگه سبب بۉله یاتگنینی ایته دیلر. اولر غرامت تۉلش جریانینی شفاف قیلیش و تېزلشتیریشنی طلب قیلماقده لر.
منبع: د سټرډې پېپر
🌐
