ترکیه حکومتی «مکه مشترک مدافعه پیمانی» متنی نی تصویب اوچون مملکت پارلمانیگه تقدیم قیلدی. بو پیمان ترکیه، سعودی عربستان و پاکستاننی ناتو طرزیده‌گی بیر جمعی خوفسیزلیک ساختاری آستیده بیرلشتیره‌دیگن کینگ قورساقلی اوچ تامانلمه بیر کیلیشوودیر.
گزارشلر اساسیده، بو اوچ تامانلمه معاهده، اعضا مملکتلردن هر بیریگه قرشی تشقی منبع‌دن قیلینگن بیر قوراللی هجوم، هر اوچ مملکتگه قرشی هجوم صفتیده قبول قیلینیشینی آچیقله‌یدی. بو تاریخی پیمان نینگ لایحه‌سی، امضا قیلگنلرنی فوری شکلده هجومگه اوچره‌گن تامانگه، اۉزلری نینگ بار بولگن حربي امکانات و ظرفیتلریدن فایده لنیب یاردم بېریشگه ملزم قیله‌دی.
بو اۉز ارا مدافعه ماده‌سیگه قره‌مسدن، ترکیه رسمیلری بو کیلیشوو نینگ بوتونله‌ی مدافعه وی ماهیتگه اېگه اېکه نینی و ایران جمله دن هیچ بیر مخصوص مملکتگه قرشی اېمس لیگینی تأکیدله‌گنلر. بو پیمان نینگ مقصدی، مدافعه همکارلیکلرینی کوچه‌یتیریش و منطقه‌ده ثباتنی ایجاد قیلیش دیب ایتیلگن.
بو اقدام اورته شرق منطقه‌سیده تنشلرنینگ آشگن بیر پیتده یوز بېرماقده. ینگی بیر مدافعه بلوکی نینگ ایجاد اېتیلیشی منطقه ده قدرت توازنی نی اۉزگرتیریشی و مملکتلرنینگ بیر بیری بیلن علاقه لریگه تأثیر قیلیشی ممکن.
بو پیمان نینگ ترکیه پارلمانیگه تقدیم اېتیلیشی، اونینگ اجرایی بۉلیشی اوچون بیرینچی رسمی قدم دیر. اوچ مملکت نینگ پارلمانلریده تصویب اېتیلگنیدن سۉنگ، بو پیمان منطقه وی خوفسیزلیک اوچون مهم نتیجه‌لرگه اېگه بۉله‌دیگن بیر رسمی حربي اتحادگه ایلنه‌دی.
تحلیلچیلر، بو اتحاد نینگ باشقه منطقه وی و جهانی قدرت‌لر نفوذیگه قرشی بیر توازن وزنه‌سی صفتیده عمل قیلیشی و انقره، ریاض و اسلام‌آباد اۉرته‌سیده‌گی استراتژیک همکارلیکلرنی ینگی بیر سویه‌گه ییتکیزیشی ممکن لیگینی ایشانماقده‌لر.
منبع: رسانه‌لرنینگ گزارشلری
🌐
