ترکیه، قطر، پاکستان و اندونیزیا نینگ چهارشنبه کونی مدافعه صنایعی زمینه‌سیده همکارلیک کیلیشوو یادداشتی نی امضاله شی کوتیلماقده. ترکیه مدافعه وزیری بو کیلیشوونی امضالش مراسمیده قتنه شیش اوچون قطرگه سفر قیلگن.
ترکیه نینگ آناتولی خبر آژانسی اۉز منبعلریگه تیره نیب، مذکور مملکت نینگ مدافعه وزیری یاشار گولر نینگ سه‌شنبه کونی توشدن سۉنگ شو مقصد بیلن دوحه‌گه جونب کېتگنینی گزارش بېردی. بو تۉرت تامانلمه کیلیشوو مذکور مملکتلر اۉرته‌سیده مدافعه صنعتیده علاقه‌لرنی کوچه‌یتیریش مقصدی بیلن امضاله نه‌دی.
بو اقدام قطر نینگ اۉز ایچکی مدافعه تولید ظرفیتلرینی کینگه‌یتیریشگه حرکت قیله‌یاتگن بیر پیتده یوز بېرماقده. قطر نینگ مدافعه ایشلری بۉییچه دولت وزیری شیخ سعود بن عبدالرحمان آل ثانی، دوشنبه کونی دوحه‌ده‌گی دنیا خوفسیزلیک مجمعیده، مملکتی نینگ تیز آره‌ده منطقه وی و خلق ارا شریکلر همکارلیگیده محلی مدافعه تجهیزاتلری تولید مرکزی نی ایجاد قیلیش نیتی بارلیگینی اعلان قیلدی.
جناب آل ثانی، قطر نینگ امریکا قوشمه ایالتلری، بریتانیا و فرانسه کبی خلق ارا شریکلری بیلن ایچکی مدافعه قابلیت‌لرینی رواجلنتیریش و مدافعه شرکتلریده سرمایه گذاری فرصتلرینی کشف اېتیش اوچون همکارلیک قیله یاتگنی نی قۉشیمچه قیلدی. او شونینگدېک یقین کېله جکده بالستیک میزایللر، اوچووچیسیز اوچاقلر و سایبری هجوملرگه قرشی تواناییلرنی کوچه‌یتیریش اوچون ینگی بیر همکارلیک اعلان قیلینیشیدن خبر بېردی.
بو اۉزگریشلر منطقه وی تنشلر و اونینگ قطر نینگ انرژی سکتوری و دېنگیز تجارتیگه تأثیری اورته‌سیده یوز بېرماقده. ترکیه و قطر سونگگی ییللرده مدافعه، خوفسیزلیک و تجارت کبی مختلف ساحه‌لرده اۉز استراتژیک شریکلیکلرینی کوچه یترگنلر.
منبع: آناتولی خبر آژانسی
🌐
