بمبئی پولیسی، بالیوود نینگ آرتستی تایگر شروف نینگ موتریگه قیلینگن هجوم بیلن علاقه دار ایکّی عیالنی اۉز ایچیگه آلگن باشقه تۉرت کیشینی قولگه آلدی. ایتیلیشیچه، بو کیشی‌لر هجومچیلرگه قورال تهیه قیلگنلر.
بو قولگه آلیشلر، نامعلوم کیشی‌لر بمبئی نینگ جوهو منطقه‌سیده جناب شروف نینگ موتریگه اۉق اوزگنیدن ایکّی کون سۉنگ یوز بېردی، لیکن او آرتستگه هیچ قنده‌ی زیان ییتمه‌دی. بمبئی پولیس تیمی قولگه آلینگنلرنی کۉپراق تیکشیروو اوچون بو شهرگه انتقال بېرگن.
قولگه آلینگن کیشی‌لر هاریانا ایالتی دن ۲۱ یاشلی کونال و ۱۹ یاشلی سومیت، و اوتار پرادش ایالتی دن ۲۳ یاشلی رادا و ۲۳ یاشلی ببیتا دیب تانیتیلگن. پولیس، کونال نینگ یقینده ضمانت بیلن قماقخانه‌دن آزاد اېتیلگنینی و بیر رمزنگارلیک اپلیکیشن آرقه لی هجوم نینگ اصلی طراحی بیلن علاقه‌ده بۉلگنینی ایتگن.
تیکشیرولر کۉرستگن که، کونال بیر تفنگچه و ۲۰ دانه اۉقنی امریتسردن تهیه قیلیب و سۉنگ رادانی بو سلاحنی بمبئیگه انتقال بېریشگه قایل قیلگن. بو ایکّی عیال ۱۷ اکتوبرده بمبئیگه ییتیب کېلیب و بیر هوتلده توریب قالگنلر. ایتیلیشیچه، کیینراق بیر اۉسمیر قورال تۉلا بکسنی رادادن آلیب کېتگن.
رادا و ببیتا ۱۸ اکتوبرده بمبئی نی ترک قیلگنلر، لیکن ۲۰ اکتوبرده ینگی دهلی نینگ ریل استیشنیده قولگه آلینگنلر. شونینگدېک، کونال و سومیت هم سونی پتده قولگه آلینگنلر. پوشپا پارک یقینیده یوز بېرگن بو واقعه‌ده، تایگر شروف نینگ موترچیسی و بیر ریکشاچیسی یره‌لنگن، لیکن جناب شروف اۉزی ساغ قالگن.
بو هجوم نینگ انگیزه‌سی هلیگچه رسمی روشده اعلان قیلینمه‌گن، لیکن بونده‌ی هجوملر اوتمیشده کۉپینچه بالیوود نینگ مشهور چهره لریدن باج آلیش بیلن باغلیق بۉلگن. بو خصوصده تیکشیرولر دوام اېتماقده.
منبع: هند رسانه‌لری
🌐
