امریکا قۉشمه ایالتلری نینگ تشقی ایشلر وزیرلیگی، جمهور رئیس دونالد ترامپ نینگ ایککینچی ریاست جمهوری دوریده ۲۰۲۵ نچی ییل جنوری آیدن بویان ۳۰۰ مینگدن کۉپراق ویزه نی بېکار قیلگنینی معلوم قیلدی. بو حرکت، امریکا نینگ حاضرگی حکومتی تامانیدن قوللنگن مهاجرتگه قرشی قتتیق سیاستلر نینگ بیر قسمی دیر.
تشقی ایشلر وزیرلیگی نینگ سۉزچیسی تامی پیگات، سه‌شنبه کونی ۲۸ میزان ده ایکس اجتماعی ترماغیده بو رقمنی تصدیقله دی. او، ترامپ حکومتی «ویزه لرنی امریکا تاریخیده گی هر قنده ی باشقه حکومت گه قره گنده تیزراق» بېکار قیلیاتگنینی ایتدی. بو رقم، آگست آییده اعلان قیلینگن آلدینگی آمارگه نسبتاً کتته آرتيشنی کۉرسه ته دی. او وقتده بېکار قیلینگن ویزه لر سانی ۱۷۵ مینگ دیب ایتیلگن اېدی.
جناب پیگات نینگ ایتیشیچه، بو قرارلر ایچکی خوفسیزلیکنی کوچه‌یتیریش و مهاجرتگه دایر بوزوقچیلیکلرگه قرشی کوره شیش مقصدی بیلن قبول قیلینگن. او، امریکا حکومتی نینگ قانونی بوزوقچیلیک، فریبگرلیک یاکه ملی خوفسیزلیککه تهدید سولاتورگن حرکتلرگه قول اورگن تشقی مملکت تبعه لریگه قرشی «هیچ قنده ی مدارا» قیلمسلیکنی تاکیدله دی.
بیراق، بو سیاستلر انسان حقلری حمایه چیلری تامانیدن کینگ کۉلمده تنقیدگه اوچره ماقده. رویترز خبر آژانسی نینگ گزارشیگه کۉره، منتقدلر بو حرکتلر نینگ غیر قانونی مهاجرتگه قرشی کوره شیشدن تشقری باریب، سۉز اېرکینلیگی و کیشیلر نینگ اساسی حقلریگه سلبی تأثیر قیلگنینی ایتماقده لر. اولر شونینگدېک، نژادی تبعیض نینگ آرتيشیدن و اېتنیک آزچیلیکلر و مهاجر جمعیتلر نینگ نشانگه آلینیشیدن خواطر بیلдирگنلر.
بحثلی موردلردن بیری، اسرائیل نینگ غزه گه قیلگن هجوملریگه قرشی демонстрация قیلگن بعضی فلسطین طرفداری بولگن تشقی مملکتلیک اعتراضچیلر نینگ ویزه لری نینگ بېکار قیلینیشی دیر. بوندن تشقری، بعضی تشقی مملکت تبعه لری نینگ ویزه لری، محافظه کار سیاسی فعال چارلی کرک نینگ تروری حقیده اجتماعی ترماقلرده فکر بیلدیریش سببلی بېکار قیلینگنی حقیده گزارش بېریلگن.
منتقدلر، ترامپ حکومتی نینگ ملی خوفسیزلیک بهانه سی بیلن اۉز مخالف و منتقدلرینی نشانگه آلیاتگنینی ادعا قیلماقده لر. اولرگه کۉره، محدود بوزوقچیلیک واقعه لری، مینه سوتا ایالتیده گی سومالی تبار جمعیت کبی مهاجر جمعیتلرگه کینگ کۉلمده باسیم اوچون بهانه بولماقده.
دونالد ترامپ ۲۰۲۴ نچی ییل سیلاو کمپاینلری جریانیده «غیر قانونی مهاجرت نی» مهار قیلیشنی وعده بیرگن اېدی، لیکن اونینگ حکومتی «قانونی مهاجرت» گه هم چیکلاولر قۉیگن. بو چیکلاولر بعضی ایش ویزه لری نینگ خرجتلرینی آشیریش و تقریباً ۳۰ مملکت تبعه لرینی امریکا توپراغیگه کیریشدن بوتونلی منع قیلیشنی اۉز ایچیگه آله دی.
منبع: اطلاعات روز
🌐
