پاکستان نینگ سند ایالتی عالی محکمه‌سی، اۉғирلنگن، مجبوراً اسلامگه کېلتیریلگن و مسلمان ایرککلر بیلن تۉی قیلدیریلگن دېب ایتیلگن ایکّی کیچیک یاشلی هندو آپه سینگیلگه اویلریگه و آتا آنه‌لری یانیگه قیتیشگه رخصت بېردی.
هند نینگ پی‌تی آی خبر آژانسی نینگ گزارشیگه اساسلن، ۱۴ و ۱۳ یاشلی بو ایکّی آپه سینگیل، ۲۹ اگست تاریخیده سند ایالتیده اویلری نینگ یقینیدن اۉғирلنگن اېدیلر. ادعا قیلینیشیچه، اولر مجبوراً اسلامگه کیریتیلگن و سۉنگ اۉزلریدن کپ یاشی اولوغ مسلمان ایرککلر بیلن تۉی قیلیشگه مجبورلنگنلر.
بو ایکّی آپه سینگیل سپتامبر آییده قوتقزیلگن، لیکن بیر ابتدایی محکمه اولرنینگ اویلریگه قیتیش اوچون تکراری طلب لریگه قره‌مسدن، اوچ مرته اولرنی بیر عیاللر امن اویگه یوبارگن اېدی. نهایت، قضیه سند عالی محکمه‌سیگه حواله قیلیندی.
سند عالی محکمه‌سی دوشنبه کونی، ۲۰ اکتوبر، بو قیزلرنینگ آتا آنه‌لری اویگه قیتیشلری ممکن لیگینی حکم قیلدی. شونینگدېک، بو قضیه‌ده ایکّی متهم ایرکککه قرشی بیر رسمی شکایت‌نامه (FIR) هم ثبت اېتیلگن.
شیوا کاچی، سندده محروم جمعیت‌لر حقوقی اوچون فعالیت قیله‌دیگن «پاکستان دراور اتحاد» ناملی بیر غیردولتی تشکیلات نینگ رئیسی، محکمه نینگ بو قراریدن خوشاللیک بیلدیردی. او، تشکیلاتی نینگ هر دایم کیچیک یاشلی قیزلرنینگ اساسی حقوقلری نینگ پامال اېتیلیشینی آلدینی آلیش اوچون کوره شگنینی ایتدی.
بو عایله نینگ وکیلی هم ایکّی آپه سینگیل نینگ عایله‌لری بیلن قیته بیرلشگنینی تصدیقلب، اۉزی نینگ باشقه بیر نیچه هندو عایله‌سی نینگ هم وکالتینی اۉز بوینیگه آلگنینی ایتدی، که اولرنینگ قیزلری هم شو شکلده اۉғирلنگن و مجبوراً تۉیگه مجبورلنگنلر. بو قضيه‌لر پاکستانده دینی اقلیت‌لرنینگ حقوقلری حقیده جدی تشویشلرنی اویغاتگن.
منبع: PTI خبر آژانسی
🌐
