کابل – افغانستان نینگ تانیقلی سیاسی و جهادی رهبرلریدن بیری عبدالرب رسول سیاف، افغانستان اسلام حرکتی نینگ اساسچیلریدن علامه عبدالاحد عشرتی نینگ وفاتی حقیده خبر بېریب، اۉز چوقور تأثراتینی بیلدیردی.
جناب سیاف اۉز رسمی فیسبوک صحیفه سیده ترقتگن پیامیده، علامه عشرتی نی علم، حمیده اخلاق، تواضع، یخشی معامله و اسلامی قرداشلیک احساسی شخصیتیده جمعلنگن بیر انسان دېب توصیفله گن. بو پیامده مرحوم نینگ اۉز زمانداشلری آره سیده گی یوکسک علمی و اخلاقی مقامی تأکیدلنگن.
بو پیامگه کۉره، علامه عشرتی افغانستان اسلام حرکتی نینگ اصلی اساسچیلریدن بیری اېدی. او «شهید استاد غلام محمد نیازی» و «شهید استاد برهان الدین ربانی» کبی ییریک شخصیتلر بیلن بیر قطارده، بو فکری و سیاسی آقیم نینگ باشلنغیچ چیزیقلرینی شکللنتیریشده اساسی رول اۉینه گن.
افغانستان اسلام حرکتی ۱۳۴۰ و ۱۳۵۰ نچی هجری شمسی ییللرده کابل بیلیم یورتی نینگ استاد و محصللری تامانیدن کمونیزم نفوذیگه قرشی بیر فکری حرکت اوله راق شکللنگن اېدی بو حرکت کېینچه لیک شوروی تجاوزیگه قرشی جهاد دوریده مقاومت نینگ اصلی اۉچاقلریدن بیریگه ایلندی و جناب سیاف هم اونینگ مهم چهره لریدن بیری اېدی سیاف اۉز پیامیده علامه عشرتی دن قالگن علمی اثرلر و ذخیره لر «صدقه جاریه» صفتیده افغانستان علمی جمعیتی و خلقی اوچون فایده منبعی بۉلیشینی و اونینگ خاطره سینی تیریک سقلَشینی قۉшимچه قیلگن.
بو جهادی رهبر، مملکتدن اوزاقده بۉلگنی سببلی جنازه مراسمیده اشتراک اېته آلمه گنینی ایتیب، علامه عشرتی نینگ وفاتینی بویوک بیر یوقاتیش دېب اتگن. جناب سیاف حاضرده افغانستان تشقریسیده یشماقده دیرbr>
او اۉز پیامی نینگ سونگیده، بو مصیبتنی «افغانستان اسلام حرکتی نینگ بویوک عایله سی، علمی و بیلیم جمعیتی، حق یۉلی مبارزلری، مرحوم نینگ حرمتلی عایله سی و مملکت نینگ برچه مسلمان و مجاهد خلقیگه» تسلیت ایتگن و مرحوم گه جنت فردوس و قالگنلریگه گۉزل صبر تیله گن.
منبع: عبدالرب رسول سیاف نینگ فیسبوک صحیفه سی
🌐
