مگنیتو رولی بیلن تانیلگن مشهور آکتور سر ایان مک کلن، چهارشنبه کونی ۸۶ یاشده وفات ایتگن اوزاق ییللیک دوستی و همکسبی سر پاتریک استوارت‌گه حرمت بیلدیردی. استوارت، «ایکس من» فلملریده مگنیتونینگ قسم ایچگن دشمنی، پروفیسور چارلز اگزاویر رولی بیلن جهان مقیاسیده تانیلگن ایدی.
سینما پرده‌سیده اولرنینگ کرکترلری نینگ دشمنلیگیگه قره‌مسدن، مک کلن و استوارت حقیقی حیاتده بیر-بیرلریگه جوده یقین و صمیمی دوست ایدیلر و اولرنینگ چوقور دوستلیگی ییللر دوامیده رسانه‌لر و طرفدارلری تامانیدن تحسینگه سزاوار بولگن. بو ایکی تجربهلی آکتور کۉپلب سینمایی و تئاتر لایحه‌لریده بیرگه ایشله‌گنلر.
استوارت نینگ وفاتی خبری ترقه لگنیدن بیر نیچه ساعت سونگ، مک کلن اوز انستاگرام صحیفه‌سیده اوزون و احساسلی بیر پستده اولرنینگ پایدار دوستلیگی و خاطره‌لرینی ایسله‌دی. او، استوارتنی بیر فوق العاده آکتور و بیر وفادار دوست دیب یاد ایتدی.
بو پیام نینگ بیر قسمیده شونده‌ی یازیلگن: «بیز پرده‌ده دشمن ایدیک، اما صحنه آرقه سیده آغا-اینی ایدیک. دنیا بیر بویوک صنعتکارنی قولدن بیردی و مېن بیر عزیز دوستیمنی.»
پاتریک استوارت، «ایکس من» فلملری سریسیدن تشقری، «ستاره یولی: ینگی نسل» سریالیده کاپیتان ژان-لوک پیکارد رولی بیلن هم کۉپ شهرت قازانگن ایدی. اونینگ وفاتی، هالیوود نینگ تانیقلی چهره‌لری و بوتون جهانده‌گی سینما علاقه مندلری آره‌سیده کینگ عکس صدالرگه سبب بولدی.
منبع: خلق ارا رسانه‌لر
🌐
