دیموکراتلر امریکا نینگ ارا سیلاولریده قطعی غلبه قازانیب، نماینده‌لر و سنا مجلسلری نینگ ایکله‌سینی هم کنترولگه آلیب و واشنگتن‌ده جمهوری خواهلرنینگ اکثریتینی توگه تدیلر. چهارشنبه کونی (۱۳ عقرب) امریکا نینگ کتته خبر شبکه‌لری تامانیدن تصدیقلنگن بو غلبه، سیلاوچیلرنینگ دونالد ترامپ نینگ سیاستلریدن، خصوصاً ایران بیلن اوروشدن ناراضی‌لیگی آرتگنی آرتیدن قۉلگه کیریتیلدی.
دموکراتلر نماینده‌لر مجلسی نینگ اکثریتینی قیته قۉلگه کیریتیش اوچون حداقل اوچته قۉشیمچه اۉرینگه احتیاج لری بار اېدی و بیر نیچه کلیدی حوزه‌لرده غلبه قازانیب بو مقصدگه ایریشه آلدیلر. بو، ترامپ نینگ ایکینچی جمهور رئیسلیک دوریده، اونینگ مخالف حزب کنترولیده‌گی بیر کانگرس بیلن روپه‌رو بۉلیشی نینگ بیرینچی مرتبه‌سی دیر.
ینگی اکثریت ۲۰۲۷-ییل جنوری آیی نینگ اوچینچی کونیدن باشلب، ینگی کانگرس ایش باشلشی بیلن بیر پیتده، قدرتنی قۉلگه آله‌دی. نماینده‌لر مجلیسیده‌گی دموکراتلر رهبری حکیم جفریز نینگ امریکا تاریخیده بو مجلس نینگ بیرینچی قاره تنلی رئیسی صفتیده سیله نیشی کوتیلماقده.
قدرت توازنیده‌گی بو اۉزگریش دموکراتلرگه مهم کمیته‌لرنینگ ریاستینی قۉلگه آلیش و ترامپ اداره‌سی نینگ عملکردی، اونینگ عایله‌سی نینگ تجاری فعالیتلری و صادر ایتیلگن عفو کبی جنجالی دوسيه‌لر حقیده کینگ تحقیقاط باشلشگه اجازه بېره‌دی. بو کمیته‌لر مقام‌لرنی چقیریش و سندلر طلب قیلیش قدرتیگه اېگه.
قانونچیلیک ساحه‌سیده، دموکراتلر امریکا نینگ ایران بیلن اوروشینی توگه تیش، ساغلیکنی سقلش بیمه‌سی یاردملرینی اوزه‌یتیریش و کانگرس نینگ تجاری اختیاراتینی قیته قۉلگه کیریتیشنی اۉز اولویتلریدن دېب اعلان قیلگنلر. هر حالده، اولر اۉز طرحلرینی قانونگه ایلنتیریش اوچون هلی هم جمهور رئیس ترامپ نینگ وتو مانعیتیگه روپه‌رو بۉله‌دیلر.
دونالد ترامپ فاکس نیوز شبکه‌سیگه بېرگن مصاحبه‌سیده، ایران بیلن اوروش جمهوری خواه حزب نینگ مغلوبیتیده رول اۉینه‌گنینی قبول قیلدی، گرچه اونی باشلش قراری‌دن مدافعه قیلدی. او اۉز حزبی نینگ مغلوبیتی کینگلیگیدن حیرتده ایکنینی بیلدیریب، ینگی کانگرس اکثریتی بیلن بعضی ساحه‌لرده همکارلیک قیلیشگه تیار ایکنینی ایتدی، لیکن قبول قیلینمس طرحلرنی وتو قیلیشیدن آگاهلنتیردی. مستقل سناتور برنی سندرز هم، حاضر دموکراتلر ترامپنی جوابگرلیککه تارتیشی ممکنلیگینی ایتدی.
منبع: ان بی‌سی نیوز، سی بی‌اس نیوز، فاکس نیوز
🌐
