یاورپو پارلمانی نینگ دادخواست‌لر کمیته‌سی ییغینیده، اوشبو پارلمان وکیللری افغانستانده عیاللر حقوقی بوزیلیشیدن تنقید قیلیب، طالبان حکومتی سیاستیگه قرشی عملی تدبیرلر کۉریلیشینی سۉره‌دیلر.
مذکور ییغین جریانیده، قطار اروپالیک قانون چیقرووچیلر طالبان بیلن مناسبتلر عادیلشووینی قره‌لب، عیاللر حقوقینی بوزووچیلر محاکمه قیلینیشینی طلب قیلدیلر.
یاورپو پارلمانیده اسپانیا نماینده‌سی مارگاریتا د لا پیسا کاریون، طالبان عیاللرنی ایکینچی درجه‌لی پقراگه ایلنتیرگنینی بیلدیریب، بو گروه اۉز باستیروچی تګلارینی شریعت نامی بیلن آقله‌یاتگنینی معلوم قیلدی. او یاورپو اتحادیه‌سیدن عملی قەدملر تشلشنی سۉره‌دی.
شونینگدیک الویسه پرز فرناندز، پارلمان نینگ باشقه بیر نماینده‌سی، یاورپو کمیسیونی بیر تماندن بشر حقوقلری توغریسیده گپیریب، ینه بیر تماندن طالبان رسمیلری بیلن اوچره‌شوولر اۉتکزه آلمسلیگینی تاکیدله‌دی.
شونینګدیک سابق افغان پارلمان نماینده‌سی بکتاش سیاوش هم، افغانستان خلقی قورو بیاناتلرگه ایمس، بلکه سیاسی جرات و انیق عملی کۉمککه محتاج ایکنینی بیلدیردی.
بو تنقیدلرگه جواباً یاورپو کمیسیونی نینگ اجرایی اۉرینباسری هنا ویرکونن، اوشبو اتحادیه طالبان حکومتینی رسمی تن آلمه‌گنینی ایتدی. اونینگ ایتیشیچه، مناسبتلر یاخشیله‌نیشی بشر همده عیاللر حقوقی نینگ یخشیلنیشیگه باغلیق دیر و کابلده‌گی نماینده‌لیک فقط وضعیتنی باقیش همده تورلی قشرلر، اینیقسه عیاللر بیلن ملوقات قیلیش مقصدیگه ایمه‌کدار دیر.
منبع: یاورپو پارلمانی نینگ دادخواست‌لر کمیته‌سی
🌐
