طالبان حکومتی نینگ باش وزیری نینگ اورینباساری عبدالسلام حنفی، افغانستانده‌گی بیرلشگن ملت‌لر تشکیلاتی نینگ یاردم مسوولیتی (یوناما) دفتری باشلیغی فاطمه رباب بیلن اوچره‌شووده قیتگن مهاجرلر اوچون ایش یاره‌تیش و باشپناه قوریشده همکارلیک قیلیشنی سۉره‌دی.
طالبان حکومتی سۉزلاوچیسی نینگ اورینباساری حمدالله فطرت، اوشبو اوچره‌شوو بیرینچی کون مازدیگرده بۉلیب اۉتگنینی معلوم قیلدی. حنفی اوشبو ییغیندا سۉنگگی ییللرده سکیز میلیون‌دن آرتیق مهاجر افغانستانگه قیتگنینی ایتدی.
طالبان حکومتی نینگ باش وزیری اورینباساری، خلق‌ارا تشکیلاتلر و مسوول نهادلر مهاجرلرنینگ حق-حقوقلرینی حمایه قیلیش، ایش زمینه‌لرینی یاره‌تیش و اولر اوچون باشپناه قوریش بۉییچه همکارلیک قیلیش‌لری کیره‌ک دیب تصدیقله‌دی.
باشقه تاماندن، فاطمه رباب مهاجرلر نینگ قیینچیلیکلرینی حل ایتیشنی اۉته کتته معما دیب اتدی و بیرلشگن ملت‌لر تشکیلاتی ایش زمینه‌لرینی یاره‌تیش و یاردم ترقه‌تیش اوچون اۉز همکارلیکلرینی کینگه‌یتیریشگه حرکت قیلیشینی ایتدی.
بو بیان نامه‌لر شو کبی وضعیتده بلدیریلماقده که، بیرلشگن ملت‌لر تشکیلاتی نینگ قاچقینلر بۉییچه عالی کمیسارلیگی اوشبو ییل نینگ دستلبکی تۉققیز آییده ایران و پاکستان‌دن ۱٫۲۹ میلیون مهاجر افغانستانگه قیتگنینی معلوم قیلگن اېدی.
بیرلشگن ملت‌لر تشکیلاتی بوندن ایلگری هم ایش سیزلیک، مناسب باشپناه یۉقلیگی، ایچیم تورگن سوو و مکتبلر همده شفاخانه‌لر کبی اساسی خذمتلردن محروملیک قیتگن عایله‌لرنینگ اساسی معمالری دن بیری ایکنینی تصدیقله‌گن اېدی.
منبع: طالبان بیانیه‌سی
🌐
