طالبان حکومتی نینگ خاص محکمه‌سی افغانستان نینگ ۹ ولایتیده ۱۱۲ مینگ جریب دن آرتیق یېر بۉییچه قضیه‌لرنی یاپدی و کۉریب چیقیش جریانیدن چیقردی.
طالبان حکومتی سۉزلاوچیسی نینگ اۉرینباسری حمدالله فطرت بو قرار کیشیلر نینگ اېگه‌لیک حجتلرینی کۉرستیش اوچون محکمه‌گه حاضر بۉلمه‌گنلیکلری سببلی قبول قیلینگنینی بیلدیردی. اونینگ ایتیشیچه، اۉتگن اوچ ییل دوامیده بو دولت یېرلری بۉییچه دعوانی توگه‌تیش قرارلری چیقریلگن.
طالبان معلوماتیگه کۉره، بو یېرلر قندوز، پروان، قندهار، غزنی، ننگرهار، کاپیسا، ارزگان، غور و پنجشیر ولایتلریده جایلشگن. خاص محکمه‌لر بو کیشیلرنی اسناد کۉرستیش اوچون چقییرگن اېدی، اما اولر نینگ کیلمه‌سلیگی دوسیه‌لر یاپیلیشیگه سبب بۉلدی.
بوندن آلدین، طالبان حکومتی نینگ عدلیه وزیرلیگی میزان آیی نینگ باشلریده اۉتگن تۉرت ییلده پوتون مملکت بۉیلب تۉرت میلیون جریب دن آرتیق دولت یېری انیقلنیب قیته‌ریلگنینی معلوم قیلگن اېدی. بو وزیرلیک شونینگدېک ۴۹ ته شهرکده دولتی یېرلر انیقلنگنینی بیلدیرگن اېدی.
طالبان حکومتی بو یېرلرنی قیته‌ریشنی کادستر حجتلری اساسیده‌گی شرعی و قانونی وظیفه دیب بیلماقده. شو بیلن بیرگه، بیر قطار محلی یشاوچیلر بو جریانده شفافلیک یۉقلیگی و شرعی اسنادلر اعتبارسز قالدیریلگنیدن تشویش بیلدیرگنلر.
منبع: طالبان خبرنامه‌سی
🌐
