افغانستان نینگ ۱۹ یاشگچه بولگن ملی کرکت تیمی بوگون یاشلر آسیا بایرامی بیلله‌شوولری نینگ ایککینچی نیمه فاینل باسقیچیده هندوستان تیمی بیلن بیلله‌شه‌دی.
اسپورت منبعلری نینگ معلوم قیلیشیچه، اوشبو مهم اۉیین افغانستان وقتی بیلن ایرته‌لب ساعت ۹:۳۰ ده باشلنه‌دی و غالب بۉلگن تیم رقابتلر فاینلیگه یۉل تاپه‌دی.
افغان یاشلر تیمی بو باسقیچگه یېتیب کېلیشدن آلدین، تورنمنت نینگ گروپی باسقیچیده اۉزی نینگ برچه رقیبلرینی مغلوب اېتیب، بیرار یۉقوتیشسیز نیمه فاینلگه چیققن اېدی.
هندوستان نینگ ۱۹ یاشگچه تیمی هم گروپی اۉیینلردن سۉنگ بو باسقیچگه چیققن بۉلیب، ایککی تیم نینگ توقنه‌شوووی یوقاری اهمیتگه اېگه دیر.
کرکت اۉیینی افغانستانده کینگ کۉله‌مده طرفدارلرگه اېگه و یاشلر تیمی نینگ اېریشگن یوتوقلری خلق ایچیده کۉپلب قیزیقیش اویغاتگن.
تیم مسؤللری افغان اۉیینچیلری نینگ روحیه‌سی یوقاری ایکنینی بیلدیرگن حالده، بو اۉییننی یوتوو بیلن یاکونلب فاینلگه چقیش اوچون حرکت قیلیشلرینی قید اېتگنلر.
منبع: افغانستان اسپورت منبعلری
🌐
