امریکا فدرال پولیسی (اف‌بی‌آی) دونیاداقی اینگ ییریک کرپټو صرافی‌سی بایننس‌دن اوغیرلنگن ۱٫۲ میلیارد دالردن آرتیق رمزارزنی ضبط اېتگنینی معلوم قیلدی. بو پوللر تاریخده‌گی اینگ ییریک کیبر هجوم دوامیده قولدن بېریلگن اېدی.
اف‌بی‌آی معلوماتیگه کۉره، اۉتگن آی بایننس صرافی‌سیدن تخمینن ۶٫۳ میلیارد دالر رمزارز اوغیرلنگن اېدی. امریکا حاکمیتی بو هجومنی شمالی کوریاگه باغلنگن «تریدر تریتور» (TraderTraitor) ناملی هکرلر گروهی تامانیدن عملگه آشیریلگنینی بیلدیردی.
امریکا عدلیه وزیرلیگی نینگ پنج‌شنبه کونی ترقه‌تگن بیاناتیده، بو حکومت و خصوصی سکتور همکارلیگیده هلیگه‌چه ۲٫۷ میلیارد دالردن کۉپراق اوغیرلنگن دارایی‌لر منجمد قیلینگنی معلوم قیلیندی. اوشبو وزیرلیک محکمه تامانیدن بو دارایی‌لردن ۱٫۲ میلیارد دالرنی رسمی روشده مصادره قیلیش روخصتینی آلگنینی قید اېتدی.
عدلیه منبعلری نینگ ایتیشیچه، بوندای وضعیت‌لرده حقلی اېگه‌لرنی انیقلش اوچون محکمه قاضیسیگه رسمی عریضه تاپشیریله‌دی.
شونینگدېک، اف‌بی‌آی شمالی کوریانی سونگی ۱۸ آی اېچیده ۴۰۰ میلیون دالر رمزارز نینگ اوغیرلنیشیگه سبب بۉلگن باشقه بیر فریبگرلیک دستوری بۉییچه هم عیبله‌دی. «فیس استیلر» (FaceStealer) ناملی بو ریجه پیام‌رسانلرنی قولگه کیریتیش و یاساما ویدیو یازوولر (دیپ‌فیک) آرقه لی اۉتکزیلگن.
امریکا رسمی‌لری شمالی کوریا بو کبی کیبر هجوملر و اوغیرلیقلردن اۉزی نینگ ناقانونی قورال دستورلرینی تمویل قیلیش اوچون فایده‌لنیشینی کۉپلب بار تأکیدله‌گنلر.
منبع: اف‌بی‌آی
🌐
