مایکروسافت شرکتی شنبه کونی بېرگن بیاناتیده، کېنگ کۉلملی اوزیلش دن سۉنگ برچه ضررلنگن خذمتلر و دستولر قیته تیکلنگنینی معلوم قیلدی.
رویترز آژانسی نینگ معلوماتیگه کۉره، تیمز، اوت‌لوک، کوپایلوت و باشقه برنامه‌لر ۲۴ ساعد دن آرتیق دوام اېتگن اوزیلش دن سۉنگ قیته تۉلیق ایشگه توشگن. اوشبو معما دنیا بۉیلب ترماقلر و دولتلر نینگ آنلاین علاقه‌لرینی توخته‌تیب قۉیگن اېدی.
مذکور کېنگ کۉلملی پرچاویلیک پنج‌شنبه کونی باشلنگن و مایکروسافت دستولریگه باغلیق بۉلگن تشکیلاتلر نینگ ایش فعالیتینی قیینلشتیرگن اېدی.
داون‌دیتکتور ترماغی نینگ معلوم قیلیشیچه، نیویارک وقتی بیلن کوندوزگی سعات بیر دن سۉنگ ۲۰۰ مینگگه یقین شکایت قید قیلیندی، بیراق کېینچه‌لیک شکایتلر سانی کمه‌یدی.
مایکروسافت جمعه کونی اوشبو بوزیلش ترماق سیغیمینی کینگیتیریش جریانیده یوز بیرگن بیر تخنیکی نوقص طفیلی سادر بۉلگنینی بیلدیردی.
شرکت بو تخنیکی معما بوتونله‌ی حل قیلینگنی و خذمتلر قیته بې‌موانع ایشله‌یاتگنینی تصدیقلش قیلدی.
منبع: رویترز
🌐
