طالبان حکومتی نینگ ستره محکمهسی باش قاضیسی شیخ عبدالحکیم حقانی، بو گروه رهبری نینگ فرمانلریگه بغیشلنگن علمی و تدقیقاتی کنفرانسده، حاکم نظامنی خلق نینگ فداکارلیکلری و الهی یاردم نتیجهسی اېکنینی بلدردی. او اوشبو نظامنی شکللنتیریشده بیرار تشقی مملکت یا خلقارا تشکیلات نقش اۉینَمَگنینی تأکیدلهدی.
محلی معلوماتلرگه کۉره، حقانی افغانلر بیر نېچه اۉن ییللیکدن سۉنگ بیر رهبر رهبرلیگی آستیده جمعلنگنینی قید اېتدی. اونینگ تأکیدلشیچه، خلق تیل، قوم و منطقهوی فرقلرنی بیر چیتگه سوریب، اۉز ارا بیرلشگن دیر.
ستره محکمه قاضیالقضاتی امنیتی وضعیتنی نظام نینگ اینگ کلیدی یوتوقلریدن بیری صفتیده بهالهدی. او بیر قطار رسانهلر مملکتدهگی یخشی امنیت و مثبت اۉزگریشلرنی خلقدن یاشیرماقچی بۉلیاتگنینی دعوا قیلدی.
حقانی حاکمیت نینگ دوام اېتیشی و مستحکملنیشینی ایچکی بیرلیک، رهبرلرگه تۉلیق بۉینسونیش و مشترک سعی-حرکتلرگه باغلینیشینی معلوم قیلدی. او بوتون اهالینی بو نظام پایهلرینی کوچهیتیریشگه چقیردی.
طالبان حکومتی رسمیلری دواملی طرزده مرکزی رهبرلیک فرمانی و کۉرساتمهلریگه عمل قیلیشنی بارچه ادارهلر اوچون اساسی شرط دېب بیلهدیلر.
حقانی اۉز سۉزی یکونیده یولباشچیلیک نینگ صادر اېتگن دینی و اداری بویروقلریگه تابعیعت قیلیش کیرهکینی تأکیدلب، بو کبی بیرلیک ایچکی بۉلینیبلرنینگ آلدینی آلیشینی بیلدیردی.
منبع: محلی منبعلر
🌐