اون ایکّی یاشیدن بویان کۉزلری کۉرمه ی قالگن ۸۵ یاشلی سخیداد، کابل شهریدهگی کیچیک بیر دکانچهده کوندهلیک بویوملرنی ساتیب اۉز تیریکچیلیگینی اۉتکزماقده.
او اۉز غرفهسیده قولقاپ، ساپین، قولف کبی کیرهکلی وسایللرنی ساتهدی. سخیداد نینگ ایتیشیچه، بالهلیگیده کۉزلری نینگ نوری باره-باره کمهییب، اون ایکّی یاشیدن سۉنگ کۉریش قابلیتی تۉلیق یۉقالگن.
سخیداد بیلدیردی که آتهسیدن هیچ قندهی یېر یا باشقه مول-مولک میراث قالمسدن، تینیمسیز حلال محنت قیلیشنی تیلنچیلیکدن افضل بیلهدی. او آمو بیلن بۉلگن صُحبتیده، خریدارلر و ساتووچیلر اونینگ پولیگه خیانت قیلمسلیگینی ایتدی.
اونینگ سۉزلریگه کۉره: «یگیرمه، اون یا الیک افغانیلیک بۉلسه هم، هیچ کیم منینگ پولیمنی یهمهیدی؛ یېتمیش ییلدن بېری شو یېردهمن، یاشیم سکسن بېشگه یېتدی و ظاهرخان دوریدن بویان بارمن.»
بو یاشلی کیشی غیرتی اوچون بېگانهلردن پول سۉرَمَسلیکنی تنلهگن: «معلولمن بیراق غیرتیم بیلن بو یېرگه کیلدیم، بېگانهلردن ایکّی روپیه هم سۉرهی آلمهیمن، یا اۉلیم یا ایش دیدیم. ایلگری یاغاچ غرفهم بار اېدی، ملالر کیلگچ تمیرگه اَیلندی.»
او بیلدیردی که کۉپلب شفاخانهلر و داکترلرگه مُراجعه قیلگنی بیلن بینایی قیتیب کیلمهگن و حاضرگی غرفهنی هم محلی اهالی اونینگ تیریکچیلیگی اوچون یارهتیب بېرگن.
منبع: آمو
🌐