بیر تیکشیروچی شرکت نینگ تخمینیگه کۉره، «جی‌تی‌ای ۶» ناملیک ویدیو اویین نشر ایتیلگن بیرینچی کونیده ۲٫۳۶ میلیارد دالردن آرتیق درآمد قۉلگه کیریتگن. بو رقم ویدیو اویینلر و تفریح صنعتیده ینگی بیر ریکارد دیر.

مذکور مشهور اویین بیرینچی ۲۴ ساعت ایچیده تقریبن ۲۴٫۵ میلیون نسخه ساتیلیب، سابقه‌سیز ساتیلوو درجه‌سینی قه‌یبت ایتدی. اوشبو اویین پنشنبه کونی، ۲۰۲۶ ییل ۱۹ نوامبرده، ۱۳ ییلدن آرتیق کوتیش نتیجه‌سیده رسمی روشده بازارگه چیقاریلدی.

جی‌تی‌ای ۶ راک‌استار گیمز شرکتی تامانیدن ایشلب چیقاریلگن «گرند تفت آتو» مجموعه‌سی نینگ اینگ سۉنگی بولیمی سنله‌دی. بو نوسخه نینگ واقعه‌لری امریکا نینگ میامی شهری اساسیده قوریلگن وایس‌سیتی ناملیک شهرده بۉلیب اۉته‌دی.

اویینچیلر لوسیا و جیسون ناملیک ایکّیته اصلی کرکټر نینگ رولینی اۉینه‌یدیلر و اولر تورلی جرم و اۉغریلیک حادثه‌لریگه کیره‌دیلر.

اوشبو مجموعه‌نینگ سابق نوسخه‌سی بۉلگن جی‌تی‌ای ۵ اویینی ۲۰۱۳ ییلده نشر ایتیلگن ایلک ۲۴ ساعتیده ۸۱۵ میلیون دالر درآمد تاپگن اېدی و اوچ کونده بیراق بیر میلیارد دالر حّدیدن آشدی. تخمینلرگه کۉره، ینگی نوسخه نینگ بیرینچی کوندن تاپگن دارامدی سابق نوسخه‌دن اوچ برابر کۉپراق دیر.

جی‌تی‌ای ۶ اویینی حاضر پلی‌استیشن ۵ و ایکس‌باکس سری ایکس و اس کنسوللری اوچون ساتیلووگه قۉییلگن، بیراق اونینگ کمپیوتر نوسخه‌سی نشر بۉلمه‌گن. بوندان آلدینگی بېشینچی نوسخه حاضرگچه ۲۱۵ میلیون نسخه‌دن کۉپراق ساتیلیب بیتگن.

منبع: تیکشیروچی شرکت راپورتی

🌐

Author