اسلام‌آباد عالی محکمه‌سی پاکستان طبابت و تیش دوکتورلری کینگشی نینگ افغان داکترلرنی چیقاریش و اولر نینگ تخصصی اوقیشلرینی توخته‌تیش بۉییچه بویریغینی کېینگی ییغیلیشگه‌چه توخته‌تدی.

اوشبو قرار ایکّی افغان داکتری زبیده شیرزاد و زبور شیرزاد نینگ دادخواهی قیلیشی آرتیدن بیریلدی. اولر پاکستانده بالینی تعلیماتینی دوام اېتدیریشگه رخصت سۉره‌گن اېدی.

مذکور داکترلر محکمه‌دن تخصصی دوره‌لرینی تۉخته‌تیب قۉییشی ممکن بۉلگن اداری چیکلاولرنی باسیب تۇریشنی طلب قیلگنلر.

قاضی ارباب محمد طاهر بیر وقتینچه‌لیک حکم بیلن مذکور کینگش نینگ بویریقلری اجرا ایتیلیشینی محکمه نینگ کېینگی مجلسیگه‌چه توخته‌تیب قۉیدی.

اوشبو عریضه پاکستان طبابت کینگشی و اون بیر باشقه اداره‌گه، جمله دن ایچکی ایشلر، ساغلیقنی سقلش وزیرلیکلری همده اسلام‌آباد طب کالجیگه قرشی قۉزغه‌تیلگن.

محکمه نینگ کېینگی ییغیلیشی ۲۶ قوس (۱۷ دسامبر) کونی بۉلیب اۉته‌دی و داکترلر نینگ دوام اېتیش تقدیری هلی قطعی بۉلمه‌گن.

منبع: پاکستان رسانه‌لری

🌐

Author