راپورونه ښیي چې ایران د پاکستاني چارواکو له لارې له امریکا سره د هوکړې لپاره یو نوی وړاندیز وړاندې کړی دی. پاکستان په دې حساسو خبرو اترو کې د منځګړي مهم رول پر غاړه اخیستی دی.
ویل کیږي چې په دې وړاندیز کې د هرمز تنګي بیا پرانستل او د اوسنۍ جګړې پای ته رسول شامل دي. سره له دې ټاکل شوې وه چې امریکايي او ایراني پلاوي په اسلام اباد کې سره وګوري خو دا مهمې خبرې لغوه شوې.
د امریکا ولسمشر ډونالډ ټرمپ اعلان وکړ چې هغه په خپله پاکستان ته د امریکايي پلاوي سفر لغوه کړی دی. هغه ټینګار وکړ چې د یوې هراړخیزې او وروستۍ هوکړې ته د رسېدو لپاره د ایران له خوا شوی وړاندیز په هېڅ وجه کافي نه و.
#ایران #امریکا #پاکستان
🌐
