د طالبانو د حکومت امنیتي چارواکو تایید کړې چې د ننګرهار ولایت په نازیان ولسوالۍ کې یو لس کلن ماشوم په اوبو ډک یوه کنده کې د ډوبېدو له امله خپل ژوند له لاسه ورکړی دی.
ویل کېږي چې دغه زړور ماشوم لومړی هڅه کړې چې یو بل ماشوم چې په همدې کنده کې د ډوبېدو په حال کې و، وژغوري. هغه د خپل ملګري له ژغورلو وروسته، له بده مرغه پخپله په اوبو کې ګیر شوی او ډوب شوی دی.
د هوا په ګرمېدو سره د افغانستان په بېلابېلو برخو کې د سیندونو او کندو د اوبو کچه لوړېږي. دا وضعیت هر کال د لسګونو هېوادوالو په ځانګړې توګه د بې ګناه ماشومانو د ډوبېدو او مړینې لامل ګرځي چې خواشینوونکی دی.
#ننګرهار #افغانستان #طبیعي\_پېښې
🌐
