د پاکستان په خیبر پښتونخوا ایالت کې د عوامي نیشنل ګوند مشر محمود خان اڅکزي اعلان کړی چې په دې هیواد کې میشت ټول پښتانه باید د افغانستان تذکرې ترلاسه کړي. هغه له دوی وغوښتل چې خپل افغان هویت په ښکاره توګه بیان کړي.
د پاکستان په ملي شورا کې د اپوزیسیون دغه مشر استدلال کوي چې د ملیونونو پاکستانیانو په څیر چې د لویدیځو هیوادونو دوه ګونی تابعیت لري، پښتانه هم د افغانستان د تذکرې درلودلو حق لري. هغه پر ډیورنډ کرښه اغزن سیم د امریکا په لارښونه وباله.
تر اوسه د طالبانو حکومت چارواکو او د پاکستان دولت د دې څرګندونو په اړه رسمي غبرګون نه دی ښودلی. په هرصورت، دا څرګنده نه ده چې ایا په پاکستان کې د پښتنو لوی نفوس په رښتیا هم د افغانستان د تابعیت سندونو ترلاسه کولو ته لیوالتیا لري که نه.
#پښتانه #پاکستان #افغانستان
🌐
