د کابل او کندهار پر لویه لار د یوې ترافیکي پېښې له امله یو کس خپل ژوند له لاسه ورکړی دی. دا پېښه د یوه مسافر وړونکي موټر د چپه کېدو له امله رامنځته شوې چې په ترڅ کې یې اته ویشت نور کسان ټپیان شوي دي.
په زابل ولایت کې سیمه ییزو چارواکو تایید کړې چې په ټپیانو کې اتلس نارینه او شپږ ښځې او څلور ماشومان شامل دي. ټول ټپیان د درملنې لپاره سمدستي نږدې سیمه ییز روغتون ته لېږدول شوي دي.
په وروستیو میاشتو کې په افغانستان کې ترافیکي پېښې په بې سارې توګه زیاتې شوې دي. شمېرې ښيي چې د روان کال له پیله تر اوسه له سلو ډېرو کسانو په بېلابېلو سړکونو کې خپل ژوند له لاسه ورکړی دی.
#افغانستان #ترافیکي\_پېښه #زابل
🌐
