د فاریاب ولایت په المار ولسوالۍ کې د میمنې ښار او قیصار ولسوالۍ پر لویه لار د یوې سختې ترافیکي پیښې له امله دوه تنه مړه او څلور نور ټپیان شوي دي. په دغه ولایت کې د طالبانو حکومت چارواکو د دې پیښې په تاییدولو سره د پلټنو د پیل خبر ورکړی دی.
دا خونړۍ پیښه د یو مازدا ډوله موټر او کرولا ډوله موټر ترمنځ د ټکر له امله رامنځته شوې ده. د پیښې ټپیان سمدستي د درملنې لپاره سیمه ییز روغتون ته لیږدول شوي دي، خو تر اوسه د ترافیکي مسوولینو لخوا د دې مرګونې پیښې اصلي لامل نه دی په ډاګه شوی.
په افغانستان کې ترافیکي پیښې تل د خلکو ژوند اخلي. وروستۍ شمیرې ښیي چې یوازې په تیره یوه اونۍ کې په ټول هیواد کې په لسګونو ترافیکي پیښې رامنځته شوي چې له امله یې شپږ ویشت کسانو خپل ژوند له لاسه ورکړی او لږ تر لږه شپږ اتیا نور ټپیان شوي دي.
🌐
#ترافیکي\_پیښه #فاریاب #سیمه\_ییز\_خبرونه
