د پاکستان ولسمشر آصف علي زرداري طالبان تورن کړل چې د ترهګرو ډلو ملاتړ کوي او اجازه ورکوي چې د افغانستان له خاورې د ګاونډیو هیوادونو پر وړاندې برید وشي. هغه دا خبرې د پاکستان د ۷۹مې خپلواکۍ کلیزې پر مناسبت خپل پیام کې وکړې.
زرداري ادعا وکړه چې د طالبانو حکومت له هند سره د پاکستاني ملکیانو او امنیتي ځواکونو پر وړاندې د ترهګرو بریدونو لپاره همکاري کوي. هغه وویل چې اسلام اباد د تاریخي اختلافاتو سره سره تل د افغانستان ملي حاکمیت ته درناوی کړی دی.
طالبانو همیشه دا تورونه رد کړي او ویلي یې دي چې اجازه نه ورکوي چې وسله وال ډلې د ګاونډیو هیوادونو پر وړاندې د بریدونو لپاره د افغانستان له خاورې کار واخلي. د پاکستان او طالبانو اړیکې پدې وروستیو میاشتو کې خورا تاوتریخوالي لرلې دي.
#پاکستان #طالبان #زرداري #ترهګري #د\_افغانستان\_پاکستان\_اړیکې
🌐
