کابلده گی بیر آرایشگر عیال نینگ ایتیشیچه، تۉرت ییلدن آلدین طالبان حکومتی عیاللر آرایشگاه لری نینگ فعالیتینی تۉخته تگندن سۉنگ، حاضر اۉز اوییده گی بیر کیچیک خانه ده یشیرینچه ایشلشگه مجبور بۉلگن.
اۉزینی افسانه (مستعار اسم) دیب تانیتگن بو آرایشگر نینگ ایتیشیچه، بو کسبنی دوام اېتتیریش، طالبان نینگ امر بالمعروف و نهی عن المنکر محتسبلری تامانیدن تانیلیش و اولرنینگ مناسبتیگه دوچ کېلیش قۉرقینچی بیلن دوام اېتماقده. او، ممنوعیتدن سۉنگ یشیرین ایشگه یوز کېلتیرگن مینگلب عیاللردن بیری دیر.
افسانه آمو تلویزیونیگه ایتدی: «ایشیم اوچون تخمیناً بیش لک افغانی سرمایه گذارلیک قیلگن اېدیم. آرایشگاه یاپیلگندن سۉنگ، دوکانیم نینگ اسبابلری و ماللرینی جوده ارزان قیمتده ساتیب یوباریشگه مجبور بۉلدیم. ایشیم اوچون قۉیگن بوتون سرمایه منی قیته قۉلگه کېلتیره آلمه دیم و حاضر اوییم نینگ بیر کیچیک خانه سیده ایشله یمن.»
بو خواطر فقط آرایشگرلرگه چېگره لنمه یدی و مشتریلر هم بو اوی آرایشگاهلریگه قۉرقوو بیلن کېله دیلر. زهره (مستعار اسم)، مشتریلردن بیری، شونده ی دېیدی: «شرایط آرایشگرلر و مشتریلر اوچون جوده قیینلشگن. ضروری ایشلریمیز اوچون اوی آرایشگاهلریگه مراجعه قیلگнимиزده، همیشه اولرنینگ مناسبتی و عاقبتلریدن خواطر بار.»
آرایشگرلرگه کۉره، آرایشگاهلرنینگ یاپیلیشی فقط بیر ایش جایینی یۉقاتیش معناسیده اېمسدی، بلکه اولرنینگ سرمایه لریگه هم آغیر ضربه بېریب، کплаб عایله لرنینگ اساسی درآمد منبعینی یوق قیلدی.
بو عیاللردن ک۫پلری حاضر آلدینگیدن بوتونلی فرقلی شرایطده و اۉз اویلریده ایشلرینی دوام اېتتیرماقده لر. شونده ی بۉلسه ده، اولر خوفسیز و معین بیر ایش فضاسی نینگ یۉقلیگی، بو کسبنی دوام اېتتیریشنی اولر اوچون جوده قیینلشتیرگنینی تاکیدله یدیلر.
عیاللر آرایشگاهلری فعالیتی نینگ ممنوع ایتیلیشی، طالبان حکومتی نینگ افغانستانده عیاللرنینگ ایشی، تحصیلی و اجتماعی حضوریگه قۉیگن کېنگ کۉلملی چېکلاولریدن بیر قسمی دیر.
منبع: آمو تلویزیونی
🌐
