پاکستان نینگ افغانستان بۉییچه مخصوص وکیلی محمد صادق، دوشنبه کونی ۱۳ میزان ده اۉتکزیلیشی ریجه لنگن «مسکو فرمتی» نینگ سککیزینچی مصلحتی ییغیلیشیده اۉز مملکتی هیئتیگه باشچیлик قیله دی. بو اسلام آباد بیلن طالبان حکومتی اورته سیده کېسکینلیکلر جوده یوُقاری سویه گه چیققن بیر پیتده یوز بېرماقده.
پاکستانلیک منبعلر شنبه کونی، ۱۲ میزان ده، افغانستان اینترنشنل گه ایتگنلریچه، پاکستان هیئتی بو ییغیلیش حاشیه سیده روسیه، ایران، اۉزبېکستان و تاجیکستان نینگ مخصوص وکیللری بیلن ایککی تامانلمه اوچره شوولر اۉتکزه دی، لیکن طالبان گروهی هیئتیگه باشچیлик قیله یاتگن طالبان تشقی ایشلر وزیری امیرخان متقی بیلن هیچ قنده‌ی اوچره شوو ریجه لنمه گن.
بیر طالبان مقامی هم بو اوچره شوو احتمالی حقیده گی سۉراغگه «بیز هیچ قنده‌ی اوچره شوو طلب قیلمه دیک» دیب جواب بېرگن. اوتگن ییل اکتوبر آییدن بویان ایککی تامان اۉرته سیده دیپلوماتیک صحبتلرنینگ توخته‌شی، مناسبتلرده گی بحران نینگ چوقورلیگینی کۉرسته دی.
بو ییلگی مسکو ییغیلیشی نینگ اساسی بحث موضوعی، پاکستان و طالبان اۉرته سیده گی آرتماقده بۉلگن کېسکینلیک بۉله دی. روسیه جمهور رئیسی نینگ افغانستان بۉییچه مخصوص وکیلی ضمیر کابلوف، مسکو بو پلتفرمدن کېسکینلیکنی کمه‌یتیریش و ایککی تاماننی «معقول صحبتلر» تامان یۉنه لتیریش اوچون فایده له نیشی ممکن لیگینی امید قیلگن.
روسیه تشقی ایشلر وزیرلیگی اعلان قیلیشیچه، قتنشووچیلر سیاسی و اقتصادی همکارلیکلر، شونینگدیک تروریزم و مخدره ماده لر قاچاقیگه قرشی کوره شده منطقه وی همکارلیکلرنی آشیریش حقیده صحبت قیله دیلر.
پاکستان طالباننی اۉزیگه مخالف قوراللی گروه لرگه پناه بېریش بیلن عیبله‌یدی، بو عیبلاونی طالبان هر دایم رد ایتیب و عکسینچه اسلام آبادنی افغانستان حاکمیتینی بوزیشده عیبله‌یدی. بو کېسکینلیکلر مسکو فرمتی نینگ باشقه اعضالری نینگ هم خواطرینی اویغاتگن.
منبع: افغانستان اینترنشنال
🌐
