تخار ولایتیده گی طالبان محلی مقام لری، بو ولایت نینگ چاه آب ولسوالی سیده بیر آلتین کان نینگ قوله شی نتیجه سیده، بیش ایشچی نینگ جان بېرگنینی تصدیقله دی. بو حادثه بیر مرته هم افغانستانده غیر معیاری کانلرنی قزیب آلیشدن کیلیب چیققن خطر لرنی کۉرستدی.
تخارده طالبان امنیه قوماندانلیگی نینگ مطبوعات آمری نقیب الله مسرور، بو خبرنی تصدیقلب، اوشبو کان چاه آب ولسوالی سی نینگ «شاه مستان» دره سیده جایلشگنینی ایتدی. او بو حادثه نینگ انیق واقتی حقیده کۉپراق تفصیلات بېرمه دی، لیکن قۉшимچه معلوماتلر کیینراق نشر ایتیلیشینی وعده قیلدی.
بو هلاکتلی حادثه، اوتگن هفته هم اوشبو ولسوالیده بیر آلتین کان قوله گن بیر پیتده یوز بېرماقده. او حادثه ده، ۱۰ ایشچی تۉپراق آستیده قالگن اېدی، لیکن خوشبختلیککه ایککی کونلیک سعی و حرکتلردن سۉنگ همه لری تیریک قوتقاریلدی.
تخار نینگ چاه آب ولسوالی سیده کۭپلب آلتین کانلر بار که، کۉپینچه محلی اهالی تامانیدن غیر فنی و عنعنوی شکلده قزیب آلینه دی. بو خوفسیز بولمه‌گن اوسلوبلر، ایشچیلرنی جدی خطرگه دوچار قیله دی.
قوله ش، گازدن زهرلنیش و پارتلش افغانستان کانلریده عادی حادثه لردن سنه له دی. خوفسیزلیک تدبیرلریگه رعایت قیلمسلیک و غیر معیاری قزیب آلیش اوسلوبلریدن فایده لنیش بو هلاکتلی حادثه لرنینگ اساسی عامللری اوله راق تنیله دی.
منبع: تخارده گی طالبان محلی مسئوللری
🌐
