بیرلشگن ملت لر تشکیلاتی نینگ باش کاتبی آنتونیو گوترش، سه شنبه کونی، ۱۴ میزانده، رسمی بیر سفر بیلن پاکستان گه باریب، اوشبو مملکت نینگ یوکسک مرتبه لی مقام لری بیلن مهم منطقوی و ایککی تامانلمه مسئله‌لر حقیده صحبت قیلیشی کوتیلماقده. بو سفر پاکستان بیلن افغانستانده گی طالبان حکومتی اۉرته سیده گی کېسکینلیکلر آشگن بیر پیتده عملگه آشیریله‌دی.
اعلان قیلینگن برنامه گه اساساً، جناب گوترش اسلام‌آبادده پاکستان نینگ باش وزیری شهباز شریف، باش وزیر معاونی و تشقی ایشلر وزیری محمد اسحاق دار، و جمهور رئیسی آصف علی زرداری بیلن اوچره شه
ди. بو سفر پاکستان مقام لری نینگ رسمی دعوتی بیلن عملگه آشیریله‌دی.
بیرلشگن ملت لر تشکیلاتی باش کاتبی نینگ پاکستانده گی صحبت لری نینگ اساسی محورلریدن بیری، اوشبو مملکت نینگ امریکا قۉشمه ایالتلری بیلن ایران اۉرته سیده واسطه چیلیک قیلیش اوچون عملگه آشیرگن دیپلوماتیک سعی و حرکتلری بۉله
ди. بیرلشگن ملت لر تشکیلاتی آلدینراق اسلام‌آباد نینگ تهران و واشنگتن اۉرته سیده گی کېسکینلیکلرنی کمه‌یتیریش و صحبتلرنی آلدینگه آلیب باریشده گی رولی نی خوش قرشیله‌گن اېدی.
پاکستان امریکا و ایران اۉرته سیده گی توقنه شوولر باشلنگندن بویان، واسطه چیلیک اوچون اۉз سعی و حرکتلرینی آشیرگن و ایککی تامان اۉرته سیده گی مستقیم صحبتلرگه میزبانلیک قیلگن. بو حرکتلر موقت بیر آتش بس کیلیشوویگه سبب بۉلگن بۉلسه-ده، لیکن اوشبو کیلیشوو جولای آییده بوزیلدی.
گوترش نینگ سفری پاکستان و افغانستان اۉرته سیده گی کېسکینلیکلرنینگ کوچه‌ییشی بیلن بیر پیتده عملگه آشیریله‌دی. پاکستان سونگگی هفته‌لرده افغانستان توپراغی‌ده بیر نیچه هوا هجومی اویوشتیرگن. بیرلشگن ملت لر تشکیلاتی یقین‌ده، بیرینچی اکتوبر کونی کنر و هلمند ولایتلریده گی هجوملرده کمیده ۱۰ تینچ اهالی، که اکثریتی باله‌لر اېدی، اۉلدیریلگنینی اعلان قیلди. پاکستان بو هجوملرده جنگریلرنینگ موضع لرینی هدف گه آلگنینی ادعا قیلماقده.
بو، جناب گوترش نینگ سونگگی تۉрт ییل ایچیده پاکستان گه ایککینچی سفری دیر. او ۲۰۲۲- ییلده سوو تاشقینیدن زیان کۉرگن منطقه‌لرنی کۉزدن کېچیریش اوچون بو مملکت گه بارگن اېدی. کیلگوسی سفرده، او پاکستان نینگ بحراننی باشقریش ملی اداره سی و شونینگدېک هند و پاکستانده گی بیرلشگن ملت لر تشکیلاتی نینگ حربی کۉزه تووچیلر گروهی نینگ قرارگاهی نی هم زیارت قیله‌دی.
بو سفر آنتونیو گوترش نینگ باش کاتب لیک ایککینچی و سونگگی دوره‌سی نینگ سونگگی آیلریده عملگه آشیریله‌دی. اونینگ ایش دوره‌سی ۲۰۲۶- ییل نینگ ۳۱- دسامبریده توگه‌یدی و کېلگوسی باش کاتب ۲۰۲۷- ییل نینگ بیرینچی جنوریدن باشلب اۉз ایشینی باشله‌یدی.
منبع: بیرلشگن ملت لر تشکیلاتی
🌐
