غور ولایتیده گی محلی منبعلر، اوشبو ولایت نینگ تیوره ولسواللیگیده نوریه اسملی بیر یاش عیال، اېری تامانیدن آغیر شکنجه نتیجه سیده حیاتینی یوقاتگنینی ایتماقده. ایتیلیشیچه، بو عیال نینگ بدنی نینگ بعضی قسم لری ایسیق بیر نرسه بیلن کویدریلگن.
ویدیو لرنی هم قۉلگه کیریتگن افغانستان اینترنشنال گزارشیگه اساساً، نوریه نینگ بدنی نینگ تورلی قسم لریده جراحت و آغیر کوییش اثرلری کورینماقده. منبعلر اونینگ اولیمیدن آلدین شدتلی اوریلگنینی قۉشیمچه قیلدیلر.
اوشبو منبعلرگه کۉره، بو وحشتلی حادثه نوریه نینگ اوچ قیز و بیر اۉغیلدن عبارت تۉرت فرزندی نینگ حضوریده یوز بیرگن. اخیرده ایراندن افغانستانگه قیتگن بو عیال نینگ اېری، بو اولیمچیل خشونت نینگ اصلی عاملی اوله راق تانیلگن.
ایتیلیشیچه، بو حادثه دن آلدین نوریه و قینانه‌سی آره سیده آغزه کی جدل یوز بیرگن. نوریه نینگ اېری نینگ مداخله سی بیلن بو توقنشوو شدتله نیب، بو یاش عیال نینگ شکنجه و اولیمیگه سبب بولگن. نوریه نینگ جسدی اولیمیدن سۉنگ تقریباً بیر کېچه کوندوز اوده قالگن.
بو حادثه افغانستانده عیاللرگه قرشی آغیر عایله وی خشونت نینگ باشقه بیر نمونه سی دیر که طالبان ایش باشیگه کېلیب، عیاللرنینگ عدالت و حمایوی تشکیلاتلرگه قول تاپیشی چیکلنگنیدن سۉنگ کوپه يگن. عیاللر حقوقی فعاللری قانون حاکمیتی یوقلیگیده عیاللرگه قرشی خشونت نینگ آرتگنیدن کۉپ مرته خواطر بیلدیرگنلر.
محلی منبعلر شونینگدېک، نوریه نینگ اېری حادثه نینگ ایرته سی کونی خاتینی نی اولدیرگنینی «اعتراف قیلیب» اۉزینی محلی طالبان کوچلریگه تسلیم قیلگنینی ایتدیلر. طالبان نینگ بو دوسیه بیلن قنده‌ی یانداشیشی هلی هم بیللی اېمس.
منبع: افغانستان اینترنشنال
🌐
