بیرلشگن ملت‌لر تشکیلاتی نینگ باش کاتبی آنتونیو گوترش، سه‌شنبه ایرته لب ایکی کونلیک رسمی سفر بیلن پاکستان پایتختی اسلام آبادگه یېتیب کېلدی. بو سفر پاکستان باش وزیری نینگ اۉرینباسری و تشقی ایشلر وزیری اسحاق دار نینگ تکلیفی بیلن عملگه آشیریلگن.
پاکستان تشقی ایشلر وزیرلیگی بیر بیاناتده، جناب گوترش نینگ ۶ دن ۸ اکتوبرگچه (۱۵ دن ۱۷ میزانگچه) بو مملکتده بۉلیشینی معلوم قیلди. بو سفر مهم منطقوی و خلق ارا مسئله‌لر حقیده صحبت قیلیش، شونینگدېک پاکستان و بیرلشگن ملت‌لر تشکیلاتی آره‌سیده گی اوزاق مدتلی همکارلیکلرنی کوچه‌یتیریش اوچون بیر فرصت یره ته‌دی.
اعلان قیلینگن برنامه اساسیده، بیرلشگن ملت‌لر تشکیلاتی نینگ باش کاتبی پاکستان نینگ یوکسک مرتبه لی رسميلری، جمله دن جمهور رئیس آصف علی زرداری، باش وزیر شهباز شریف و اسحاق دار بیلن اوچره شه‌دی. او شونینگدېک پاکستان قوشینی نینگ باش قوماندانی فیلد مارشال عاصم منیر بیلن هم ملاقات قیله‌دی.
جناب گوترش نینگ سفری برنامه سیگه هند و پاکستانده گی بیرلشگن ملت‌لر تشکیلاتی حربی کۉزه توچیلر گروهی (UNMOGIP) قرارگاهیگه تشریف بویوریش و پاکستان نینگ آفتلرنی باشقریش ملی اداره سی قرارگاهیده طبیعی حادثه لرگه قرشی ته یارگرلیک و ایرته خبردارلیک سیستم‌لری توغریسیده گزارش آلیش هم کیریتیلگن.
پاکستان تشقی ایشلر وزیرلیگی، بو سفر جریانیده اسلام‌آباد نینگ کۉپ تامانلمه چیلیکنی کوچه‌یتیریش، خلق ارا تینچلیک و خوفسیزلیکنی تأمینلش یولیده گی سعی و حرکتلری و بو مملکت نینگ حادثه‌لرگه قرشی ته یارگرلیک ساحه‌سیده گی اقداملریگه دقت قره تیلیشینی اعلان قیلگن. بو موضوعلر پاکستان نینگ اقلیم اۉزگریشیلریگه نسبتًا ضعیفلیگینی نظرده توتگنده، خاص اهمیت کسب اېته‌دی.
بو، آنتونیو گوترش نینگ بیرلشگن ملت‌لر تشکیلاتی باش کاتبی صفیده پاکستانگه ایکینچی سفری دیر. او بیرینچی مرته ۲۰۲۰ نچی ییل فبروری آییده بو مملکتگه سفر قیلگن اېدی. اونینگ حاضرگی سفری، باش کاتبلیک اون ییللیک دورانی نینگ ۲۰۲۶ نچی ییل ۳۱ دسمبرده توگه یدیگن بیر پیتده عملگه آشیریلمoqda.
منبع: پاکستان تشقی ایشلر وزیرلیگی
🌐
