چهارشنبه کونی ایرته لب، ۱۵ میزان، بدخشان ولایتی نینگ مرکزی فیض آباد شهریده طالبان پولیس قوماندانلیگی یقینیده گی پروژه تۉرت یۉلیده بیر پارتلش یوز بېردی. گزارش لرگه کۉره، اوشبو حادثه ده بیر هایلکس نوعیده گی موتر نشانگه آلینگن.
کмиده اوچ محلی منبع نینگ تأیید قیلیشیچه، بو پارتلشده بیر هایلکس موتر نشانگه آلینگن. اوشبو منبع لرنینگ ایتیشیچه، پارتلش یوز بېرگنیدن سۉنگ، طالبان کوچلری اهالی نی ترقه تیش و اولرنی حادثه جایگه یقینلشیشیدن تۉسیش اوچون هوا گه اوق آتگنلر.
حاضرگچه اوشبو حادثه نینگ احتمالی تلفاتی و پارتلش نینگ دقیق نوعی حقیده معلومات یۉق. طالبان نینگ محلی مقام لری هم بو خصوصده هلیگچه فکر بیلدیرمه گن و بو هجوم مسؤلیتینی هم هیچ بیر گروه اۉز بوینیگه آلمه‌گن.
بو پارتلش بدخشان ولایتیده سۉنگگی آیلرده امنیتی حادثه لرنینگ آشیشی شرایطیده یوز بېرماقده. اوتگن کونلرده هم فیض آباد شهریده باشقه بیر نیچه پارتلش یوز بېرگن اېدی.
محلی منبع لرنینگ گزارشیگه کۉره، اوتگن پنجشنبه کونی هم فیض آباد نینگ وکیل آباد منطقه سیده بیر پارتلش یوز بېرگن. او زمان بیر منبع اوشبو هجومده طالبان نینگ بیر رینجر موتری نشانگه آلینگنینی ایتگن اېدی.
بوگونگی حادثه دن اجتماعی ترماقلرده ترقلگن بیر ویدیو، پارتلشدن سۉنگ توتون ستونی نینگ کۉتریلیشینی کۉرسه ته دی. بدخشانده امنیتی وضعیت نینگ یامانلشیشی اوشبو ولایت اهالیسی آره سیده خواطرلرنی یوزگه کېلتیرگن.
منبع: محلی منبعلر
🌐
